Vypuścili dyrektara «Susiedziaŭ» i inšych zatrymanych top-mieniedžaraŭ handlovaj sietki
Jak stała viadoma «Našaj Nivie», na voli top-mieniedžary handlovaj sietki «Susiedzi», u tym liku adzin z hałoŭnych bienieficyjaraŭ Vadzim Avaniesaŭ. U jakim statusie ich vypuścili — nieviadoma.
Pra pahrom «Susiedziaŭ» stała viadoma 22 kastryčnika. Paźniej Kamitet dziaržaŭnaha kantrolu paviedamiŭ, što słužbovych asob zatrymali, bo jany dapuścili rost cen, nibyta viedajučy pra zabaronu hetaha.
Departamient finansavych rasśledavańniaŭ zavioŭ kryminalnuju spravu suprać dyrektara kirujučaj arhanizacyi pa č. 2 art. 425 (biaździejańnie słužbovaj asoby).
Hienprakuratura pisała, što dyrektar arhanizacyi viedaŭ pra patrabavańni dyrektyvy ab niedapuščeńni pavyšeńnia cen, ale nie pryniaŭ naležnych i svoječasovych mier pa niedapuščeńni ich rostu. Heta pryviało da pieraacenki cen tavaraŭ u 100 kramach sietki i rostu roźničnych cen na nie mienš jak 65 asartymientnych pazicyj.
«Pavyšeńniem cen sietka kram «Susiedzi» zrabiła istotnuju škodu pravam i zakonnym intaresam nie mienš jak tysiačy hramadzian, jakija nabyli hetyja tavary pa zavyšanym košcie, a taksama dziaržaŭnym i hramadskim intaresam», — havaryłasia ŭ paviedamleńni Hienprakuratury.
Ciapier čytajuć
«Ludzi iduć u miačeci, a nie lečać psichičnyja chvaroby». Biełaruski psichijatr raskazaŭ ab pracy va Uźbiekistanie i ŭ Polščy4
Kamientary