Ministerstva finansaŭ ZŠA abnaviła Śpis asobna paznačanych hramadzian i zabłakavanych asob (SDN) Upraŭleńnia pa kantroli za zamiežnymi aktyvami (OFAC). U jaho ŭnieśli źmieny: šerah biełaruskich subjektaŭ vyklučany, a suprać šerahu iranskich kampanij i sudnaŭ uviedzienyja novyja sankcyi.
Zhodna z apublikavanaj infarmacyjaj, sa śpisu vyklučanyja kampanii Dana Holdings Limited, Dana Holdings, Dana Kholdingz, zarehistravanyja na Kipry, a taksama sierbski biźniesmien Niabojša Karyč, jaki mieŭ dačynieńnie da dziejnaści Dana Holdings.
Braty Karyčy — Bahalub i Drahamir — viadomyja ŭ Biełarusi bujnymi budaŭničymi prajektami ŭ Minsku i suviaziami ź siamjoj Alaksandra Łukašenki. Niabojša Karyč, syn Bahaluba, znachodziŭsia pad sankcyjami ZŠA z 2021 hoda.
U lutym stała viadoma, što kampanija «Dana Astra», padraździaleńnie biełaruskaj kampanii Dana Holdings, sprabavała damahčysia ad Vialikabrytanii źniaćcia raniej uviedzienych sankcyj. Adnak kampanii nie ŭdałosia pierakanać Łondan u nieabchodnaści hetaha. Raniej hetaja ž firma taksama sprabavała źniać abmiežavańni Jeŭrasajuza, ale biezvynikova.
Ciapier čytajuć
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?9
Palitviaźniaŭ pa ŭsioj krainie apytvajuć: paśla pamiłavańnia vy chočacie zastacca ŭ Biełarusi ci źjazdžać?
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru1515
U Vieniesuele budzie nie prosta vyzvaleńnie palitviaźniaŭ, a amnistyja, pryčym za ŭsie hady. A miascovuju «amierykanku» pieratvorać u hramadskuju prastoru15
Ahientka Kardaš vykarystoŭvała seks, kab źbirać infarmacyju pra kalinoŭcaŭ i zavierbavać ukrainskaha kamandzira. A kurataru KDB pisała pra jaho: «Moj łoch»3535
Kamientary