Bolš za čverć trafiku — TikTok. MTS praanalizavaŭ internet-aktyŭnaść biełaruskaj moładzi
Mabilny apieratar MTS praanalizavaŭ internet-aktyŭnaść biełaruskaj moładzi i adznačyŭ rekordnyja jaje pakazčyki. Karystalniki va ŭzroście 14—24 hadoŭ u siarednim spažyvajuć 32,2 Hb mabilnaha internetu štomiesiac — heta ŭ paŭtara raza bolš za siaredni ŭzrovień. Bolš za čverć hetaha trafiku prypadaje na TikTok.
TikTok staŭ lidaram pa kolkaści karystalnikaŭ i abjomie trafiku ŭ sietcy MTS: 17,2 tysiač Tb štomiesiac. Moładź hladzić jaho jašče bolš intensiŭna — zvyš 8 Hb na čałavieka ŭ miesiac suprać siarednich 6,3 Hb.
Pavyšanyja pakazčyki nazirajucca i ŭ inšych sietkach: «VKontaktie» — amal udvaja, YouTube i Instagram — u paŭtara raza bolš.
U miesiendžarach taksama vidać roźnica pakaleńniaŭ: kali starejšyja najčaściej karystajucca Viber, to ŭ zumieraŭ pieršaje miesca zajmaje Telegram. Maładyja karystalniki traciać u im kala 2,4 Hb u miesiac, u toj čas jak siaredni pakazčyk pa sietcy składaje 1,7 Hb.
U MTS adznačajuć, što pavodziny moładzi ŭ ličbavym asiarodździ adlustroŭvajuć budučyniu: kali ŭžo ciapier jany vykarystoŭvajuć bolš za 30 Hb trafiku štomiesiac, u budučyni spažyvańnie budzie raści jašče chutčej.
Najbolš aktyŭnyja dni — čaćvier i piatnica, a pik spažyvańnia internetu prypadaje na viečar z 20:00 da 22:00. Udzień moładź čaściej karystajecca miesiendžarami, a ŭviečary pieraklučajecca na YouTube i inšyja sacsietki.
«Nazad u minułaje nie chočam». Barysaŭcy raskazali, čamu im nie zajšła moładzievaja dyskateka ŭ haradskim parku
U Hiermanii masava zakryvajucca pivavarni, bo moładź bolš nie cikavić ałkahol
Partyja «Biełaja Ruś» stvaraje moładzievy ruch «Iskra»
«Ty začapiła maju radzimu — i heta podła». Repierka ź Biełarusi zapisała adkaz Instasamcy. Moładź ciapier masava zdymaje pad jaho tyktoki
Kamientary