Hetaja vypiečka moža stać dobrym desiertam. A markoŭny piroh z arechami pad apielsinavaj hłazuraj moža navat zapomnicca.
Fota: BBC Food
Kab zrabić markoŭny chleb, vam spatrebicca:
- 140 mililitraŭ aleju + jašče trochi dla zmazvańnia
- 2 jajki
- 200 hramaŭ cukru (lepš brać karyčnievy)
- 300 hramaŭ ciortaj morkvy
- 100 hramaŭ razynak
- 75 hramaŭ pasiečanych hreckich arechaŭ ci arechaŭ piekan (pa žadańni)
- 180 hramaŭ muki
- drobka soli
- pałova čajnaj łyžki sody
- 1 čajnaja łyžka mołataj karycy
- pałova čajnaj łyžki ciortaha muskatnaha arechu
- pałova čajnaj łyžki luboj sumiesi śpiecyj dla vypiečki
- 200 hramaŭ chałodnaha śmietankovaha syru typu maskarpone ź nie mienš čym 33% tłušču
- 50 hramaŭ masła chatniaj tempieratury
- 1 čajnaja łyžka vanilnaha ekstraktu
- 50 hramaŭ prasiejanaj cukrovaj pudry
- cedra adnaho apielsina
- Razahrejcie duchoŭku da 150 hradusaŭ. Padrychtujcie formu dla chleba — jaje pamier musić być prykładna 13 na 23 santymietry. Zmažcie jaje alejem i vyścielicie papieraj dla vypiakańnia.
- Uźbicie jajki ŭ vialikaj miscy. Dadajcie alej, cukar, ciortuju morkvu, razynki i arechi.
- Prasiejcie ŭ jajkavuju sumieś muku, sol, sodu, karycu, muskatny arech i śpiecyi. Dobra ŭsio pieramiašajcie draŭlanaj ci vialikaj mietaličnaj łyžkaj.
- Vylicie sumieś u formu dla chleba i razraŭniajcie pavierchniu. Vypiakajcie markoŭny chleb prykładna 1 hadzinu 15 chvilin ci pakul špažka, jakuju dla pravierki možna ŭvatknuć u siaredzinu piraha, nie budzie vychodzić adtul čystaj.
- Dastańcie piroh z duchoŭki i dajcie jamu astyć prykładna 5 chvilin, potym dastańcie z formy. Pierad padačaj całkam astudzicie markoŭny chleb.
- Kab zrabić hłazuru, uźbivajcie razam u miscy maskarpone i masła, pakul jany dobra nie pieramiašajucca. Dadajcie vanilny ekstrakt, cukrovuju pudru i apielsinavuju cedru, pieramiešvajcie ŭsio, pakul hłazura nie zahuścieje. Z dapamohaj špatala raŭnamierna raźmiarkujcie hłazuru pa astudžanym pirahu, kali hłazura budzie ciažka razmazvacca, akunicie nož u misku z haračaj vadoj. Pierad padačaj narežcie piroh na łusty. Markoŭny chleb, kali jon nie narezany, možna zachoŭvać niekalki dzion, taksama śmieła zamarožvajcie jaho. Zamarožany jon moža lažać da troch miesiacaŭ.
Kamientary