Hrečaskaja sałata — adna z samych papularnych. Recept, jaki zaraz užo moh šmat kamu nadakučyć. Ale što kali zrabić jaje smak bolš aryhinalnym? Prapanujem vam pryhatavać hrečaskuju sałatu z chrustkim syram fieta. Kali vy pakaštujecie, naŭrad ci zdolejecie admovicca ad hetaha smaku!
Fota: BBC Food
Kab zrabić hrečaskuju sałatu z chrustkaj fietaj, vam spatrebicca:
- paŭtary čajnyja łyžki aliŭkavaha aleju + jašče čajnaja łyžka dla taho, kab smažyć fietu
- paŭtary čajnyja łyžki čyrvonaha vinnaha vocatu (možna zamianić na bieły vinny abo na jabłyčny vocat, ale ŭ apošnim varyjancie vy atrymajecie bolš sałodki smak)
- pałova čajnaj łyžki sušanaj prypravy arehana + troški jašče dla padačy
- zubok časnyku (treba jaho rastaŭčy)
- tonka narezanaja čyrvonaja cybulina
- adna pita (chleb u vyhladzie toŭstaj lapioški)
- pałova ahurka
- adzin maleńki zialony pierac (prybiarycie ź jaho nasieńnie)
- 300 hramaŭ pamidoraŭ
- 50 hramaŭ zierniaŭ hranata
- sol
- 200 hramaŭ syra fiety (źlejcie vadkaść, kali vy ŭžyvajecie fietu ŭ rasole, i pakińcie jaje na survetcy, pakul syr nie padsochnie)
- Parubicie (asobna adzin ad adnaho) ahurok, pierac i pamidory.
- U vialikaj miscy źmiašajcie razam alej, vocat, arehana, časnyk i drobku soli. Dadajcie cybulu, jašče raz usio dobra pieramiašajcie. Pakińcie zapraŭku na 10 chvilin.
- Tym časam padsmažcie na patelni pitu, potym adździalicie adzin bok pity ad inšaha i smažcie pitu znoŭ, pakul jana nie stanie chrustkaj. Astudzicie jaje, potym rukami razłamajcie pitu na kavałki ŭ niekalki santymietraŭ.
- Kab zrabić chrustkuju fietu, razahrejcie čajnuju łyžku aleju ŭ antypryharnaj patelni na siarednim ahni. Razłamajcie fietu na kavałki, pakładzicie ich u patelniu i smažcie 4-5 chvilin, pakul jaje nižniaja častka nie stanie chrustkaj i załacistaj (pry hetym nie čapajcie, nie pieravaročvajcie fietu). Troški astudzicie syr, potym aściarožna zdymicie jaho z patelni — naprykład, z dapamohaj łapatki dla ryby.
- U misku z zapraŭkaj dadajcie kavałki pity, ahurok, pierac, pamidory i ziernie hranata. Usio dobra pieramiašajcie. Raskładzicie sałatu pa dźvium miskam, upryhožcie jaje fietaj i drobkaj arehana i padavajcie.
Recept na vychadnyja: vieniecyjanski markoŭny piroh
Recept na vychadnyja: sytnaja frytata
«Naša Niva» adnaŭlaje zbor danataŭ — padtrymać prosta
Ciapier čytajuć
U Minsku zaviaršyli budaŭnictva piacizorkavaha hatela na miescy kolišniaha «Biełekspa»9
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1010
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»10
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary