Ministr kultury i kamunikacyj Francyi Frederyk Miteran – plamieńnik 21-ha prezidenta krainy Fransua Miterana – sam pryznaŭsia pra heta ŭ aŭtabijahrafii.
Ministr kultury i kamunikacyj Francyi Frederyk Miteran – plamieńnik 21-ha prezidenta krainy Fransua Miterana – ciapier sprabuje nie tolki zachavać svaju reputacyju, ale i miesca va ŭradzie.
Prablemy ŭ 62‑hadovaha ministra ŭźnikli ŭ suviazi z aŭtabijahrafijaj za 2006 hod, dzie jon pryznaŭsia, što płaciŭ za seks z chłopčykami ŭ Banhkoku.
Sacyjalisty i krajniepravyja patrabujuć terminovaj adstaŭki ministra. Jak adznačaje The Times, hałasy krytykaŭ prahučali zaraz, kali francuski ministr kultury vystupiŭ z žartaŭlivaj abaronaj Ramana Pałanskaha, asudžanaha ŭ ZŠA za hvałt nad 13‑hadovaj dziaŭčynaj tryccać hadoŭ tamu.
Miteran u aŭtabijahrafii «La mauvaise vie» («Drennaje žyćcio») apisvaje «niadobry zvyčaj płaty za chłopcaŭ» u Banhkoku:
«U mianie ŭvajšło ŭ zvyčku płacić chłopčykam… Proćma maładych, vielmi pryciahalnych i terminova dasiažnych chłopčykaŭ pryviali mianie ŭ stan žadańnia, bo mnie bolš nie treba było siabie abmiažoŭvać ci niešta chavać».
Ministr admaŭlaje, što źjaŭlajecca piedafiłam. Apanienty, adnak, tak nie ličać.
U paniadziełak Maryna Le Pen z krajniepravaha Nacyjanalnaha Frontu cytavała na televizii ŭryŭki z knižki Miterana, damahajučysia adstaŭki ministra. U sieradu, pradstaŭnik Sacyjalistyčnaj partyi Bienua Amon skazaŭ, što ŭražany źmiestam aŭtabijahrafii i spytaŭsia, jak Francyja moža praciahvać baraćbu z seks‑turyzmam, majučy va ŭradzie Miterana.
Televiadučy, piśmieńnik, scenaryst Frederyk Miteran pryjšoŭ va ŭrad u červieni. Tady Sarkazi byŭ vielmi rady atrymać jaho ŭ svaju kamandu, ale ciapier u kiraŭnikoŭ uradu ŭźnikli sumnieńni, ci hety vybar pravilny.
Ciapier čytajuć
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»5
Z prajekta budaŭnictva minskaha mietro vykinuli jašče dźvie stancyi — «Kijeŭski skvier» i «Politechničnuju»
Aktor Toŭścikaŭ: Na pakazie, kali pryjšli zbolšaha rasijskija hledačy — publika śmiajałasia. A kali byli biełarusy, Cichanoŭskaja — stajała poŭnaja cišynia11
Kamientary