Vajna22

Kuleba — partnioram: Nie prapanujcie nam kampramisy z terytaryjalnaj cełasnaściu. Heta buduć i vašyja kampramisy z ułasnaj biaśpiekaj

Zamiest prapanoŭ zaŭčasnych mirnych pieramovaŭ z Rasijaj, jakaja nie imkniecca da mirnaha pracesu, metaj partnioraŭ pavinna być pieramoha Ukrainy, jakaja pryniasie ŭstojlivy i spraviadlivy mir na jeŭrapiejski kantynient. Ab hetym zajaviŭ ministr zamiežnych spraŭ Dźmitryj Kuleba ŭ videazvarocie da ŭdzielnikaŭ jubilejnaha kanhresa Panjeŭrapiejskaha sajuza, jaki prachodzić z nahody 100-hodździa arhanizacyi ŭ Vienie, paviedamlaje «Jeŭrapiejskaja praŭda».

«Nam patrebna pieramoha, a nie ničyja. Kali dazvolić Rasii ŭziać zaraz paŭzu, Pucin stvoryć pasiarod Jeŭropy zamarožany kanflikt, hihanckuju bombu zapavolenaha dziejańnia, jakaja budzie hatovaja ŭzarvacca ŭ luby momant. Dla Jeŭropy było b stratehičnaj pamyłkaj pieraśledavać takuju ​​metu. Pieraścierahaju partnioraŭ Ukrainy: nie prapanujcie nam kampramisy z sumleńniem, terytaryjalnaj cełasnaściu abo suvierenitetam. Tamu što heta buduć i vašyja kampramisy z ułasnaj biaśpiekaj», — zajaviŭ jon.

Pa słovach Kuleby, ni adna kraina ŭ śviecie nie imkniecca da miru tak, jak Ukraina, ale «takija vojny, jak hetaja, pavinny zaviaršacca pieramohaj dabra nad złom».

Pa słovach ministra, partnioram zaraz čas pastavić metaj pieramohu Ukrainy i pracavać nad jaje dasiahnieńniem, zamiest taho, kab šukać zaŭčasnych mirnych damoŭlenaściaŭ z Rasijaj, bo Maskva nie źmianiła ŭltymatyŭnaha tonu i vykarystoŭvaje zajavy ab nibyta hatoŭnaści da pieramovaŭ tolki jak prykryćcio dla praciahu ahresii.

«Sapraŭdny mir pryniasie ŭkrainskaja pieramoha. Hetaja meta całkam dasiahalnaja, jak dakazali charkaŭskaja i chiersonskaja apieracyi hetaj vosieńniu. Pieramoha Ukrainy budzie taksama pieramohaj Jeŭropy i Zachadu. Jana adnović mir i biaśpieku na našym kantyniencie na dziesiacihodździ. Akramia taho, jana pryniasie praciahły pieryjad mižnarodnaj stabilnaści, tamu što stanie vidavočna, što ahresija nie źjaŭlajecca efiektyŭnym instrumientam dasiahnieńnia met u 21 stahodździ.

Mienavita da takoha vyniku my ŭsie pavinny imknucca, i mienavita heta źjaŭlajecca šlacham da sapraŭdnaha, tryvałaha i spraviadlivaha miru», — padkreśliŭ Dźmitryj Kuleba.

Kamientary2

  • Mojša
    19.11.2022
    Zachad žyvie na kampramisach i tamu prajhraje ŭ rešcie ŭschodu, prajhraje bo ŭschodu kampramisy nie patrebnyja i ŭschod zdolny achviaravać dziela pieramohi. I ja nie pra rpsieju kažu, apra ŭschod u hłabalnym sensie słova: pra aziju, pra arabaŭ.
  • Nina
    21.11.2022
    Priedielno točno skazano. No, k sožaleniju, zajavlenija o "nieobchodimosti mirnych pieriehovorov" budut pojavlaťsia i dalšie.

Ciapier čytajuć

Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos8

Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos

Usie naviny →
Usie naviny

Rubia: Tramp «tracić ciarpieńnie» praz toje, što razmovy z Pucinym nie pryvodziać da zaviaršeńnia vajny16

Ceny na nieruchomaść rastuć šalonymi tempami10

Babrujski zavod pačaŭ pradavać traktarnyja detali praz Wildberries2

Navukoŭcy praanalizavali 100 tysiač ekzamienaŭ i vyznačyli najlepšy čas dla ich zdačy1

Try viersii «Bahini kachańnia Mildy» ekspanujucca adnačasova ŭ Minsku, Varšavie i Vilni1

Budučy abjekt Suśvietnaj spadčyny, jaki zahubiła abyjakavaść. Čym admietnaja Ściapankaŭskaja carkva, jakaja zahinuła ŭ pažary3

U Drazdach hadami nie mohuć pradać damy, źviazanyja z nabližanymi da ŭładaŭ ludźmi9

Hiermanija pieradała Ukrainie try sistemy Patriot2

U Šatłandyi školnik znajšoŭ na plažy abłomki karabla XVIII stahodździa

bolš čytanych navin
bolš łajkanych navin

Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos8

Kibierpartyzany i chakiery Silent Crow uzłamali «Aerafłot» i źniščyli jaho IT-infrastrukturu. U rasijskich aeraportach — chaos

Hałoŭnaje
Usie naviny →

Zaŭvaha:

 

 

 

 

Zakryć Paviedamić