U Minsku kala Cnianskaha vadaschovišča araby pabudujuć park ź biełaruskimi asablivaściami
Arabski zabudoŭščyk kompleksu «Paŭnočny bierah», kampanija z AAE Emaar Properties pabuduje na bierazie Cnianskaha vadaschovišča park ź biełaruskimi nacyjanalnymi asablivaściami. Pra heta raskazaŭ staršynia Minharvykankama Uładzimir Kucharaŭ.
«Vielmi važna, što inviestar pačynaje svoj prajekt mienavita z dobraŭparadkavańnia terytoryi, stvareńnia kamfortnych umoŭ dla pražyvańnia. Upeŭnieny, što sumiesnymi namahańniami my zmožam realizavać hety prajekt. Taksama vielmi dobra, što dla realizacyi hetaj parkavaj zony, jaje prajektavańnia zaprošanyja biełaruskija architektary, biełaruskija skulptary, jakija zrobiać svoj uniosak u realizacyju hetaha prajekta.
Heta novyja, cikavyja tvorčyja rašeńni, jakija sapraŭdy ŭpryhožać hety park. My ŭžo vyrašyli, što budziem pracavać mienavita nad tym, kab jon arhanična ŭpisaŭsia ŭ hetuju terytoryju, kab jon byŭ sapraŭdy ź biełaruskim akcentam, z našymi nacyjanalnymi asablivaściami. I, viadoma ž, jon pavinien stać upryhožańniem hetaha ŭsiaho prajekta», — raskazaŭ Kucharaŭ, jakoj jon bačyć budučyniu parku.
Machamied Ali Ałabar, kiraŭnik kampanii Emaar Properties z Abjadnanych Arabskich Emirataŭ, taksama havaryŭ pra ŭnikalnaść parku:
«Cnianskaje vadaschovišča — vielmi pryhožaje miesca, tamu my abaviazanyja akulturyć jaho i stvaryć tam nievierahodny park. Chaču padaryć minčanam niešta asablivaje. Nie maje značeńnia, budziecie vy kuplać kvateru ŭ našym kompleksie ci nie, važna stvaryć miesca, kudy ludzi zmohuć prychodzić hulać i dobra bavić čas», — skazaŭ zabudoŭščyk.
Emaar Properties źbirajecca budavać u Minsku kompleks «Paŭnočny bierah» pamiž Drazdami i Cnianskim vadaschoviščam. Prajekt aceńvajecca ŭ 4 miljardy jeŭra.
-
Łukašenka zajaviŭ pra patrebu palapšeńnia adnosin z Zachadam «dla razboru zavałaŭ», jakija «pieraškadžajuć našaj pracy na suśvietnych rynkach»
-
U Minsku chočuć nazvać vulicu imiem kadebista «Nirvany» Fiedasiuka, jaki zahinuŭ u pierastrełcy ŭ kvatery Zielcara
-
U Biełarusi śmiarotnaść amal udvaja pieravysiła naradžalnaść
Ciapier čytajuć
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj15
Ci vyjdzie bijahrafija Paźniaka i ŭ čym hałoŭnaja prablema biełaruskaj litaratury? Januškievič — pra tyražy i kankurencyju z ruskaj knihaj
«Ludzi, budźcie pilnyja! U takoj situacyi moža apynucca kožny žychar ES!» Hramadzianin Litvy, asudžany ŭ Biełarusi da 13 hadoŭ za «špijanaž», pieradaŭ list z kałonii3939
Kamientary
heta jakija? tyja, što rabili dVORiec nieZ%visimosti? z takim kała-
rytam?