Z ułasnym basiejnam. Na «Hrušaŭcy» adkryvajecca dziciačy sad ad kamiercyjnaha zabudoŭščyka
Viasnoj zabudoŭščyk «Datč Star» abiacaŭ pieradramantavać dziciačy sadok na «Hrušaŭcy» da kanca hoda. Abiacańnie jon strymaŭ — ustanova ŭračysta adkryvajecca 12 śniežnia. Zapisać tudy svaich dziaciej zmohuć nie tolki miascovyja žychary, ale i ŭsie žychary Maskoŭskaha rajona stalicy. Jak sadok vyhladaje znutry, raskazvaje Onliner.by.
Terytoryja kala mietro «Hrušaŭka» ŭžo ščylna zabudavana damami i praciahvaje ŭščylniacca. Tak što nieabchodnaść dziciačaha sada ŭ hetaj łakacyi nazravała daŭno. Simpatyčny novy budynak pasialiŭsia pa adrasie 2‑ia vulica Ščorsa, 9, — prama za žyłym kompleksam «Hrand Avieniu», jaki ŭzvodzić kampanija «Datč Star».
Sadok №591 davoli prastorny, trochpaviarchovy. Usiaho tut zmohuć znachodzicca, zabaŭlacca i navučacca 230 małych. A raźličana ŭstanova na 13 hrup — pa 15—20 čałaviek u kožnaj.
Na pieršym paviersie raźmiaščajucca hrupy dla dziaciej jasielnaha i małodšaha daškolnaha ŭzrostu. Druhi i treci pavierchi addadzieny pad hrupy dla dziaciej siaredniaha i starejšaha daškolnaha ŭzrostu. U kožnym błoku jość hulniavy pakoj, spalnia, bufietnaja, tualetny pakoj, raździavalnia.
Akramia pakojaŭ dla dziaciej u sadku jość ułasny basiejn, miedycynski błok, fizkulturna-azdaraŭlenčyja zały, muzyčnaja, abo aktavaja, zała, charčabłok, miedycynski kabiniet, administracyjnyja pamiaškańni. Karaciej, dzietkam tut budzie čym zaniacca.
Zabudoŭščyk padkreślivaje:
— Budynak całkam ukamplektavany nieabchodnaj meblaj i abstalavańniem dla pačatku adukacyjnaha pracesu. Prylehłaja terytoryja dobraŭparadkavana.
Zavadčanin Ihar, jaki viartaŭsia dadomu buchim, upieršyniu ŭ žyćci jedzie za miažu. A jašče jon chałasty7
Kamientary
p.s. my svoječasova paśla naradžeńnia dziciaci ŭstali na čarhu ŭ dzicsad, kali čas padyjšoŭ, pajšli na pryjom da zahadčycy. jana kaža - miestov niet. my - jak niama? my ž u čarzie... na što jana - vaš muž milicyjant? nie? tady byvajcie
p.p.s. to bok dzieci miantoŭ afarmlajucca pa-za čarhoj