Kiraŭnik Minabarony Brytanii paraiŭ Ukrainie praciahvać nastup zimoj
Ministr abarony Brytanii Ben Uoles zaklikaŭ ukrainskija vojski zachoŭvać temp i praciahvać imklivyja ataki na rasijskija siły ciaham zimovych miesiacaŭ.
«Uličvajučy pieravahu, jakuju ŭkraincy majuć u padrychtoŭcy, abstalavańni i jakaści bajavoha składu suprać demaralizavanych, drenna navučanych, drenna asnaščanych rasijan, u intaresach Ukrainy zachavać temp zimoj, — skazaŭ Uoles u intervju Daily Beast. — U ich jość 300 tysiač adzinak arktyčnaha bajavoha ryštunku, atrymanaha ad mižnarodnaj supolnaści».
Uoles pachvaliŭ ukraincaŭ za toje, što jany ździvili ŭvieś śviet, prademanstravaŭšy ŭłasnuju mužnaść i majsterstva, a taksama vielizarnyja niedachopy rasijskich uzbrojenych sił.
«Niadaŭna rasijskaje padraździaleńnie było razhornuta bieź ježy i škarpetak i ź nievialikaj kolkaściu zbroi. Heta katastrofa dla čałavieka, jaki adpraŭlajecca na pole boju. [ … ] Jany adpraŭlajuć ich u miasarubku i vykarystoŭvajuć vielizarnuju kolkaść artyleryi. Tolki kraina, jakaja nie kłapocicca pra svoj narod, moža adpravić 100 tysiač svaich ludziej, kab jany byli albo miortvyja, albo paranienyja, albo dezierciravali», — skazaŭ Uoles.
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»3
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary