Źbirajucca zapuścić hihancki prajekt zabudovy poŭnačy Minska, dzie 93% terytoryi adviedziena pad žyllo
Za 20 hadoŭ zabudoŭščyk u ramkach prajekta «Paŭnočny bierah» maje namier uźvieści 6 młn kv. m žylla, a taksama abiacaje pabudavać Nacyjanalny vystavačny centr, «Instytut štučnaha intelektu», Minski centr mižnarodnaha handlu, inšyja abjekty. Ale hety prajekt moža značna pahoršyć staličnuju ekałohiju.
U Ministerstvie budaŭnictva i architektury zajavili, što «Paŭnočny bierah» stanie novym vitkom u raźvićci stalicy. Tak akreśliŭ situacyju namieśnik načalnika Hałoŭnaha ŭpraŭleńnia pramysłovaści — načalnik vytvorča-technałahičnaha ŭpraŭleńnia Minbudarchitektury Alaksiej Padvałocki padčas padpisańnia Pahadnieńnia ab supracoŭnictvie pry budaŭnictvie šmatfunkcyjanalnaha kompleksu pamiž BCK i TAA «Ryviersajd Deviełapmient Limited» (AAE).
Pad hety prajekt Alaksandr Łukašenka vypuściŭ śpiecukaz №186 «Ab realizacyi inviestycyjnaha prajekta», jon padpisany 13 maja 2021 hoda. U im inviestaru dajucca šmatlikija prefierencyi, hałoŭnaja ź jakich u tym, što ščylnaść zabudovy dazvolena pavialičyć amal udvaja vyšej za limitnuju normu, zaćvierdžanuju raniej roznymi ministerstvami, u tym liku architektury, achovy zdaroŭja i inšymi.
Ekołahi aścierahajucca, što kali prajekt «Paŭnočny bierah» realizujecca ŭ tym vyhladzie, jaki abiacajuć inviestary, to centr stalicy Biełarusi, vierahodna, budzie zadychacca ad pastajannaha smohu. Bo ščylnaść zabudovy budzie zalimitnaj (značna vyšej za «Minsk-Mir» abo «Majaka Minska»), a vyšynia budynkaŭ — bolšaj za 50 mietraŭ.
Prytym chmaračosy płanujuć zbudavać na poŭnačy Minska, adkul čaściej za ŭsio dźmuć viatry, što vynosiać z horada zabrudžanaje aŭtamabilami pavietra.
Ale ŭłady praz hety budaŭničy prajekt chočuć siarod inšaha vyrašyć i prablemy roznych pramysłovych halin. Tak, stała viadoma, što zabudoŭščyk kompleksu «Paŭnočny bierah» budzie kuplać cemient u Biełaruskaj cemientnaj kampanii. «Ryviersajd Deviełapmient Limited» padpisała pahadnieńnie ab supracoŭnictvie z hetym chołdynham.
Ciapier čytajuć
Što adbyvałasia za kratami z zatrymanymi pa spravie ab padryvie rasijskaha samalota A-50 u Mačuliščach1
Kamientary
Jeśli araby nie pojdut po tropkie hazproma, kotoromu vokzał otdali.