Administracyja prezidenta ZŠA Džo Bajdena razhladaje mahčymaść abviaščeńnia pryvatnaj vajennaj kampanii «Vahnier» zamiežnaj terarystyčnaj arhanizacyjaj, paviedamili ahienctvu Bloomberg dźvie infarmavanyja krynicy ŭ Biełym domie.
Kančatkovaje rašeńnie jašče nie pryniata, padkreślivajuć krynicy, adnak heta dazvoliła b Złučanym Štatam pačać kryminalny pieraśled PVK i asobnych jaje členaŭ i nakłaści aryšt na ich aktyvy pa ŭsim śviecie, paviedamlaje «Ukrainskaja praŭda».
PVK «Vahnier», źviazanaja z nabližanym da rasijskaha prezidenta Uładzimira Pucina biznesoŭcam i prychilnikam vajny z Ukrainaj Jaŭhienam Pryhožynym, była zasnavanaja ŭ 2014 hodzie i aktyŭna dziejničała tam, dzie ŭ Rasii majucca važnyja intaresy, u pryvatnaści, u Siryi, Livii i Centralnaafrykanskaj Respublicy.
Va Ukrainie bajcy PVK brali ŭdzieł u bajavych dziejańniach z pačatku rasijskaha ŭvarvańnia.
Raniej deputaty Jeŭraparłamienta taksama zaklikali ŭnieści PVK «Vahnier» u śpis terarystyčnych arhanizacyj, ale na siońniašni dzień heta zrabiła tolki Estonija.
-
Tramp prymaje vialikuju dozu aśpirynu dla razredžvańnia kryvi. Praz heta ŭ jaho lohka źjaŭlajucca siniaki
-
Kala 40 čałaviek zahinuli, bolš za 100 z traŭmami. Achviary strašnaha pažaru na raskošnym alpijskim kurorcie
-
23‑hadovaha ŭkrainca zatrymali ŭ Varšavie z hłušyłkaj — jon źviarnuŭ na siabie ŭvahu tym, što hadzinami prasiedžvaŭ u kaviarni ŭ aeraporcie
«Zapuskajcie dalej saluty, a ja vykliču milicyju». Biełarusy spračajucca pra zabaronu na fiejervierki2
Kamientary