Karł III i Alena Zialenskaja naviedali Centr raźmiaščeńnia ŭkraincaŭ u Łondanie
Karol Vialikabrytanii Karł III sustreŭsia ŭ Łondanie z žonkaj prezidenta Ukrainy Alenaj Zialenskaj, paviedamlaje hromadske.ua.
«Mieła honar asabista sustrecca ź Jaho Vialikaściu karalom Karłam III. Razam naviedali ŭkrainski katalicki sabor u Łondanie, na terytoryi jakoha raźmieščany i Łondanski Ukrainian Welcoming Centre», — paviedamiła Zialenskaja ŭviečary 30 listapada ŭ svaich sacsietkach, vykłaŭšy fota i videa.
«Užo nie pieršy raz Jaho Vialikaść znachodzić čas i ciopłyja słovy, kab padtrymać vymušanych pierasialencaŭ z Ukrainy: niadaŭna jon naviedvaŭ ich u Šatłandyi, jašče raniej — u Rumynii», — adznačyła Alena Zialenskaja.
«Z taho času, jak Rasija pierajšła da taktyki enierhietyčnaha teroru, my razumiejem, što hetaja zima budzie samaj ciažkaj za ŭsie hady niezaležnaści. Tamu ja ŭdziačnaja za toje, što chacia b častka ŭkraincaŭ, asabliva pažyłyja ludzi, dzieci, mohuć pieračakać chałodny siezon, nie ryzykujučy apynucca va ŭmovach błekaŭta».
Ukraina atrymlivaje pastajannuju padtrymku ad Vialikabrytanii faktyčna pa ŭsich humanitarnych napramkach. Miedycynskaje abstalavańnie, pažarnyja aŭtamabili i karety chutkaj dapamohi, adnaŭleńnie infrastruktury, u pryvatnaści čyhunačnaj i enierhietyčnaj, padtrymka piedahohaŭ — usiudy jość dapamoha», — napisała žonka prezidenta Uładzimira Zialenskaha.
Padčas svajho vizitu ŭ Vialikabrytaniju pieršaja łedzi Ukrainy sustrełasia taksama z žonkaj Karła III, karalevaj-kansortam Kamiłaj, z premjer-ministram Vialikabrytanii Ryšy Sunakam i ź jaho žonkaj Aškataj Murci.
Ciapier čytajuć
Dva sakrety, dziakujučy jakim adbyłasia karjera novaha pres-sakratara MZS Rusłana Varankova4
Dva sakrety, dziakujučy jakim adbyłasia karjera novaha pres-sakratara MZS Rusłana Varankova
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier55
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier5
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary