Premjer-ministr Finlandyi: Biez ZŠA Jeŭropie nie chopić sił, kab supraćstajać Rasii
Premjer-ministr Finlandyi Sana Maryn zajaviła, što rasijskaje ŭvarvańnie va Ukrainu vyjaviła słabaści jeŭrapiejskich krain i ich stratehičnyja praliki ŭ stasunkach z Rasijaj, paviedamlaje Deutsche Welle.
«Ja skažu vam vielmi ščyra, biaźlitasna ščyra. U Jeŭropy zaraz niedastatkova sił. Biez Złučanych Štataŭ u nas była b biada», — skazała Maryn ŭ vystupie ŭ sidnejskim analityčnym centry «Instytut Łoui» padčas vizitu ŭ Aŭstraliju, paviedamlaje Frans Pres.
Pry hetym jana padkreśliła, što nieabchodna zabiaśpiečyć Ukrainu «ŭsim, što spatrebicca» i pry hetym naroščvać ułasny abaronny patencyjał Jeŭropy. «My pavinny pierakanacca, što my naroščvajem mahčymaści, jakija tyčacca jeŭrapiejskaj abarony, jeŭrapiejskuju abaronnuju pramysłovaść, i być upeŭnieny, što my spravimsia z roznymi situacyjami», — padkreśliła premjer-ministr Finlandyi.
Rasijskaja vajna suprać Ukrainy pryviała da rezkaj źmieny nastrojaŭ u finskim hramadstvie i zaachvociła ŭrad krainy padać zajaŭku na ŭstupleńnie ŭ NATA. Bolšaść krain NATA (prykmietnymi vyklučeńniami zastajucca Turcyja i Vienhryja) užo ratyfikavali Pahadnieńnie ab dałučeńni Finlandyi i Šviecyi da aljansu.
Ciapier čytajuć
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»6
Pasiarod iranskich bambiožak Dubaja Kirył Rudy pierabraŭsia z Emirataŭ u ZŠA: «Rady złučać kantynienty! Nie saromiejciesia da mianie źviartacca»
Babaryka turemščykam: «U mianie było, ciapier niama, ale jość šaniec, što budzie. A ŭ vas nie było, niama i nie budzie. I ŭ vašych dziaciej nie budzie»99
Kamientary