Śviatar Uładzisłaŭ Bahamolnikaŭ aryštavany siomy raz zapar. Ahułam za kratami jon budzie 101 dzień
Heta pravaabaroncam paćvierdziła «Chryścijanskaja vizija». Čarhovy sud nad im adbyŭsia padčas šostaha aryštu. Hetym razam sud Leninskaha rajona Minsku pryznačyŭ śviataru 13 sutak.
Ahułam za kratami Bahamolnikava buduć utrymlivać 101 dzień. Były sukamiernik Uładzisłava navukoviec Siarhiej Haranin paviedamiŭ, što śviatar niekatory čas trymaŭ haładoŭku, a stan zdaroŭja jaho pahoršyŭsia.
Viadoma, što Uładzisłaŭ pierachvareŭ u niavoli na kavid. Jon bieśpierapynna ŭtrymlivajecca ŭ niečałaviečych umovach biez srodkaŭ hihijeny, bo pieradačy dla «palityčnych» na Akreścina nie prymajuć.
Bahamolnikaŭ — vykładčyk Minskaj duchoŭnaj akademii, abviaščaŭ haładoŭku ŭ padtrymku palitviaźnia Ihara Łosika, a taksama słužyŭ lityju pa zabitym siłavikami Ramanie Bandarenku. 31 žniŭnia supracoŭniki HUBAZiKa vyłamali dźviery ŭ kvateru śviatara i zatrymali jaho.
Ciapier čytajuć
Za minuły hod nasielnictva Biełarusi skaraciłasia jašče na 53 tysiačy čałaviek19
Kamientary