Rasijskija vojski mohuć syści z Zaparožskaj AES, śćviardžajuć krynicy «Mieduzy», blizkija da kiraŭnictva RF.
Uviečary 1 śniežnia Hienštab Uzbrojenych sił Ukrainy paviedamiŭ, što rasijskija vojski vyvodziać asobnyja padraździaleńni z anieksavanaj častki Zaparožskaj vobłaści, a taksama rychtujuć da evakuacyi supracoŭnikaŭ miascovych akupacyjnych administracyj. Mer Mielitopala siońnia adznačyŭ, što havaryć pra adychod rasijskich vajskoŭcaŭ z Zaparožskaj vobłaści «pakul rana».
Tym nie mienš, blizkaja da Kramla krynica «Mieduzy», a taksama surazmoŭca, blizki da ŭrada RF, śćviardžajuć, što Rasija hatovaja syści z Zaparožskaj AES, uziataj pad kantrol u pačatku poŭnamaštabnaj vajny. Całkam pakidać Zaparožskuju vobłaść pry hetym Kreml «nie płanuje».
Pa słovach krynic «Mieduzy», pa płanie Kramla AES nibyta mohuć pieradać abo Kijevu, abo MAHATE. U abmien na vyvad vojskaŭ z atamnaj elektrastancyi rasijskija ŭłady nibyta raźličvajuć atrymać harantyi bieśpierabojnaha tranzitu nafty i hazu pa terytoryi Ukrainy. Surazmoŭcy «Mieduzy» śćviardžajuć, što ŭ Kramli i ŭradzie «jość hatoŭnaść da ŭhody».
Raniej učora pra padrychtoŭku rasijskich vojskaŭ da adstupleńnia paviedamiŭ Hienštab USU.
Kamientary