Ludziej, što sprabavali zrezać pad Kijevam sa ściany hrafici Benksi, zatrymali
Hrupa ludziej u piatnicu pasprabavała skraści sa ściany razburanaha bambiožkami budynka ŭ Hastomieli hrafici Benksi, na jakim namalavanaja žančyna ŭ procivahazie z vohnietušycielem.
Pa słovach kiraŭnika Kijeŭskaj vobłaści Alaksieja Kuleby, vykradalnikaŭ zatrymali na miescy.
«Hrafici nie paškodžanaje i znachodzicca ŭ pravaachoŭnikaŭ, pakul praciahvajucca śledčyja dziejańni», — napisaŭ Kuleba ŭ telehram-kanale.
«Adznaču, što pracy Benksi ŭ Kijeŭskaj vobłaści znachodziacca pad achovaj palicyi. A hetyja vyjavy źjaŭlajucca simvałam našaj baraćby suprać voraha. Heta historyi ab padtrymcy i salidarnaści ŭsiaho cyvilizavanaha śvietu z Ukrainaj. Zrobim usio, kab zachavać tvory vuličnaha mastactva jak simvał našaj budučaj pieramohi», — adznačyŭ Kuleba.
Z pačatku vajny Benksi stvaryŭ niekalki hrafici ŭ najbolš paciarpiełych ad rasijskich bambiožak ukrainskich haradach, samymi viadomymi ź jakich stali vyjavy ŭ Hastomieli, Baradziancy i Homieli.
Kamientary