U Kaśpijskim mory tysiačami hinuć miascovyja ciuleni-endemiki
Na ŭźbiarežžy Kaśpijskaha mora ŭ Dahiestanie znajšli 1,7 tys. miortvych ciuleniaŭ. Pra heta paviedamlaje «RIA Novosti» sa słoŭ hienieralnaha dyrektara Kaśpijskaha pryrodaachoŭnaha centra Zaura Hapizava.
Jak paviedamlała raniej pres-słužba SKTU «Rasrybałoŭstva», pieršapačatkova na bierazie Kaśpijskaha mora vyjavili kala 700 miortvych ciuleniaŭ. Tady ŭ Minpryrody rehijona zajavili, što ich śmierć vyklikanaja naturalnymi pryrodnymi faktarami, a vyvučeńnie stanu ŭnutranych orhanaŭ daśledavanych ciuleniaŭ nie paćvierdziła hipotezu ab ich intaksikacyi ciažkimi mietałami abo piestycydami.
Adnak hetym nie abmiežavałasia. Pa słovach Zaura Hapizava, za nastupnyja niekalki dzion na ŭźbiarežžy Kaśpija ŭ Dahiestanie było znojdziena 1,7 tys. tušak kaśpijskaj nierpy. Miarkujučy pa vyhladzie, žyvioły zahinuli prykładna dva tydni tamu. Pry hetym prykmiet hvałtoŭnaj śmierci i reštkaŭ rybałoŭnych sietak taksama nie znojdziena.
Hiendyrektar Kaśpijskaha pryrodaachoŭnaha centra dadaŭ, što kolkaść zahinułych ciuleniaŭ moža być značna vyšejšaja. Śpiecyjalisty pryrodaachoŭnych viedamstvaŭ praciahvajuć daśledavać uźbiarežža.
Kaśpijskaja nierpa — endemik i adziny vid marskich mlekakormiačych, jaki žyvie ŭ Kaśpijskim mory i adyhryvaje ŭnikalnuju rolu ŭ marskoj ekasistemie.
-
Biełarusy pajšli na toj samy «Dom-2» — ich zaklikajuć nie hańbicca i jechać dachaty
-
«Na jakim rejsie jon čaściej za ŭsio?» U siecivie zavirusiŭsia pryhožy ściuard «Biełavii»
-
Polski treveł-błohier, jaki padarožničaŭ pa Biełarusi i Rasii, raskazaŭ pra chejt, reputacyjnyja straty i ŭražańni ad pajezdki
Ciapier čytajuć
«Patrabavali, kab ja z kalehami pry dzieciach pa-biełarusku nie razmaŭlała». Ci sutykajucca biełaruskamoŭnyja z bulinham u krainie14
Kamientary