Za špijanaž na karyść Litvy zatrymali byłoha hałoŭnaha doktara sanatoryja «Biełaruś»
Andrej Kobiel, były hałoŭny doktar sanatoryja «Biełaruś» u Litvie, a potym — u Sočy, byŭ zatrymany paŭhoda tamu za špijanaž na karyść Litvy. Pra heta paviedamili ŭ śpiecyjalnym filmie pra vyjaŭlenych špijonaŭ na terytoryi Biełarusi, pakazanym na telekanale «Biełaruś 1».
«Paŭhoda tamu zatrymali Andreja Kobiela. Asoba maštabnaja — 10 hadoŭ jon byŭ hałoŭnym doktaram sanatoryja «Biełaruś» u Litvie, potym na toj ža pasadzie pracavaŭ u Sočy, a paźniej uznačaliŭ adździeł RNPC u Minsku. Litoŭcy abkłali jaho pa ŭsich praviłach šantažu: pahražali kryminalnaj spravaj za machinacyju ź ziamielnym učastkam, kradziež srodkaŭ pry rekanstrukcyi sanatoryja. Maŭlaŭ, pazbaviać jaho i členaŭ siamji dazvołu na žycharstva, a synu padkinuć u aŭtamabil narkotyki», — śćviardžajecca ŭ siužecie.
Maŭlaŭ, pad ciskam Kobiel padpisaŭ abaviazacielstva ab supracoŭnictvie, źbiraŭ i pieradavaŭ danyja biełarusaŭ, jakija adpačyvali ŭ sanatoryjach, u tym liku źviestki pra rezidencyju Alaksandra Łukašenki ŭ Sočy, jakaja znachodzicca na terytoryi sanatoryja. Cana pytańnia była niekalki socień jeŭra.
Paviedamlajecca, što Kobiel zatrymany pa artykule «zdrada dziaržavie».
Ciapier čytajuć
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Kamientary