Kali myjecie padłohu, dadajcie heta ŭ viadro — i padłoha budzie zichacieć
Vy dumajecie, što padłohu myć umiejecie? A voś vam łajfchak.
Vymyli padłohu, a jaje pavierchnia lipkaja i z razvodami? Hladzicie, jak myć pravilna.
Mnohija ludzi myjuć padłohu ciopłaj, časam navat haračaj vadoj. Čamu hetaha nie varta rabić? Bo čym ciaplejšaja vada, tym chutčej jana vyparycca, i reštki srodku dla myćcia padłohi zastanucca na padłozie. Heta vyklikaje i razvody, i toje, što padłoha robicca lipkaj.
Jakaja ž vysnova? Vykarystoŭvajcie chałodnuju vadu zamiest haračaj i nie złoŭžyvajcie srodkam dla myćcia padłohi. Bolš za toje, možna atrymać vielmi dobryja vyniki, kali dadać u viadro srodak dla myćcia, zrobleny samastojna, a nie nabyty ŭ kramie.
Źmiašajcie čverć šklanki vocatu i stałovuju łyžku srodku dla myćcia posudu i dadajcie hetuju sumieś u viadro. Pamiatajcie, što vada pavinna być chałodnaja! Heta vielmi efiektyŭny srodak, dziakujučy jakomu vaša padłoha budzie zichacieć, jak novaja.
Pachu vocatu nie bojciesia — jon chutka źnikaje. U toj ža čas bakterycydnyja i funhicydnyja ŭłaścivaści vocatu vydatnyja, a na padłozie paśla takoj sumiesi nie budzie nijakich razvodaŭ.
Kamientary