Ź mikraaŭtobusaŭ MAZ (JAC) zrabili sactaksi, z Lada — chutkuju. U Breście startuje sumiesnaja vytvorčaść Biełarusi i Rasii
Užo kala čatyroch hadoŭ na zavodzie «Brestmaš», jaki ŭvachodzić u strukturu chołdynha «BiełaŭtaMAZ», źbirajuć kitajskija lohkija kamiercyjnyja furhony JAC Sunray, dzie ich abstaloŭvajuć emblemaj MAZ. U kancy vieraśnia tam paviedamili ab pašyreńni liniejki, a dniami abviaścili pra zapusk biełaruska-rasijskaha prajekta pa zborcy śpiecaŭtamabilaŭ, piša Onliner.by.
Mikraaŭtobus nosić nazvu «Brestmaš-343001», handlovaje paznačeńnie — MAZ-281. Abstalavany dyzielnym 2,7-litrovym ruchavikom mahutnaściu 149 konskich sił. Karobka pieradač — miechaničnaja 6-stupieńčataja, kolkaść pasadačnych miescaŭ — 16. Važna razumieć, što heta nie kopija Mercedes-Benz Sprinter. U Jac Sunray i Mercedes-Benz Sprinter niama nivodnaj uzajemazamiennaj kuzaŭnaj paneli. Ich vypuskali amal čatyry hady dla roznych patreb.
Sioleta ŭ lipieni rasijskaja firma «Švabie-ŚpiecAŭta», jakaja daje bazavym aŭtamabilam śpiecyjalizacyju, praviała prezientacyju ŭ Minsku svajoj dapracavanaj techniki. Pakazali pieraroblenyja pad chutkija Lada, UAZ, HAZ. Jašče tady była jasnaja pryčyna vizitu «Švabie» ŭ biełaruskuju stalicu — prymianić usio heta dla busaŭ «MAZ-Brestmaš-JAC» i naładzić masavuju vytvorčaść ich miedycynskich viersij.
Užo ŭ vieraśni AAT «Brestmaš» paviedamiła ab prezientacyi ŭzoraŭ aŭtamabilaŭ chutkaj miedycynskaj dapamohi i sacyjalnaha taksi. Na pradpryjemstvie raźličvali, što takija aŭtamabili buduć zapatrabavanyja pry abnaŭleńni parku mašyn hetaha typu ŭ Biełarusi i za jaje miežami.
I narešcie ŭčora, 21 śniežnia, aficyjna abviaścili: TAA «Švabie-ŚpiecAŭta» i AAT «Brestmaš» padpisali pahadnieńnie ab starcie sumiesnaj vytvorčaści. Na pradpryjemstvie ahučyli: «u śniežni płanujuć vypuścić 100 adzinak techniki. U studzieni z kanviejera pavinna syści pieršaja partyja novaj liniejki aŭtamabilaŭ. Miarkujecca, na pačatkovym etapie buduć źbirać kala 500 adzinak śpiecyjalnaj aŭtamabilnaj techniki 26 madelaŭ. Heta pramtavarnyja furhony, mašyny dla patrulna-pastavoj i kinałahičnaj słužby, dla transparciroŭki ludziej z abmiežavanymi mahčymaściami, aŭtamabili chutkaj miedycynskaj dapamohi».
«Ciapier vytvorčyja mahutnaści zavoda dazvalajuć źbirać da 2 tysiač aŭtamabilaŭ u hod, — adznačyli na prezientacyi prajekta. — Usie aŭtamabili, jakija źbirajucca, faktyčna na 100% užo pradadzienyja. U nas jašče čakajuć pieramovy z dylerskimi centrami VAZ na terytoryi Biełarusi. Jość varyjant, što kamiercyjnyja prodažy buduć iści praź ich, a biudžetnyja, pa dziaržzamovie, — naŭprost praz pradpryjemstva».
Ciapier čytajuć
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR5
Zasnavalnik dabračynnych fondaŭ dla dapamohi dzieciam Łysiankoŭ dabiehaŭsia — jaho zatrymaŭ DFR
«Uśviedamlaju, što mahu stać pieršaj biełaruskaj, jakaja naviedaje ŭsie krainy śvietu». Padarožnica ź Minska razmaŭlaje na 8 movach i maryć pražyć 200 hadoŭ99
Kamientary