Rasija paviedamlała ab «źniščeńni» i «padaŭleńni» 35 ukrainskich HIMARS. Ale Kijeŭ atrymaŭ tolki 20 takich ustanovak
Ź leta minułaha hoda, kali Ukraina ŭpieršyniu atrymała HIMARS, Maskva pastajanna zajaŭlaje ab ich źniščeńni — adnak kali vieryć spravazdačam minabarony RF, Rasii ŭdałosia parazić navat bolš hetych RSZA, čym było pieradadziena Kijevu, piša BBC.
U svajoj čarhovaj spravazdačy ab padziejach na froncie 3 studzienia ministerstva abarony Rasii paviedamiła, što kala Kramatorska ŭ Danieckaj vobłaści byli «źniščanyja dźvie puskavyja ŭstanoŭki reaktyŭnaj sistemy załpavaha ahniu HIMARS vytvorčaści ZŠA».
Usieho viedamstva zajaviła ab «źniščeńni» 24 ustanovak HIMARS, a jašče 11 takich sistem, pavodle jaho śćviardžeńniaŭ, byli «paražonyja» ci «padaŭlenyja» (pry hetym u niekatorych vypadkach ministerstva śćviardžała, što havorka idzie ab «batarei» ci «ŭzvodzie» RSZA). Takim čynam, sa śćviardžeńniaŭ ministerstva abarony Rasii vynikaje, što ŭdary byli naniesienyja pa 35 ukrainskich sistemach HIMARS.
Adnak, pavodle źviestak na pačatak 2023 hoda, Ukraina atrymała ad ZŠA tolki 20 HIMARS. Jašče niekalki hetych ustanovak Kijeŭ pavinien atrymać sioleta.
Dahetul niama nivodnaha dakumientalnaha paćviardžeńnia, što Rasija źniščyła chacia b adnu HIMARS.
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI9
Čakajecca novy raŭnd pieramovaŭ miž Biełaruśsiu i ZŠA — litoŭski ŚMI
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier44
Jak razhuł pryrody viarnuŭ cieły Barbary Radzivił i vialikaha kniazia Alaksandra i čamu tajamnicu źniknieńnia ichnich rehalij zmahli raskryć tolki ciapier4
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu66
Kamientary
Prošjut, pronumierujut, postaviat surhučnuju piečať i podpiś Bajdiena!)