Łukašenka padpisaŭ zakon, jaki dazvolić pazbaŭlać palityčnych apanientaŭ hramadzianstva
Alaksandr Łukašenka 5 studzienia padpisaŭ zakon ab źmienie zakona «Ab hramadzianstvie Respubliki Biełaruś», paviedamiła jahonaja pres-słužba. Paśla hetaha jon ustupaje ŭ siłu i moža napoŭnicu vykarystoŭvacca jak čarhovy instrumient dla praviadzieńnia ŭ krainie palityčnych represij.
Hałoŭnaja źmiena, dziela jakoj papraŭki i zadumvalisia, zaklučajecca ŭ tym, što novym zakonam praduhledžanaja mahčymaść straty asobaj biełaruskaha hramadzianstva, nabytaha pa naradžeńni. Heta moža rabicca paśla vyniasieńnia łukašenkaŭskim sudom prysudu, «jaki paćviardžaje ŭdzieł hetaj asoby ŭ ekstremisckaj dziejnaści abo naniasieńnie im ciažkaj škody intaresam Biełarusi, kali takaja asoba znachodzicca za jaje miežami». U pierakładzie na zvyčajnuju movu — heta pałažeńnie zakona budzie prymianiacca ŭ dačynieńni da palityčnych apanientaŭ režymu.
Taksama papraŭkami ŭvodzicca abaviazak pryniasieńnia prysiahi asobami, jakija nabyvajuć hramadzianstva Respubliki Biełaruś, i abaviazak hramadzianina Respubliki Biełaruś paviedamlać siłavikam pra najaŭnaść u jaho hramadzianstva zamiežnaj dziaržavy ci dazvołu na žycharstva ŭ joj.
«Miesiacami ŭ kabinie, na siabie zabiŭ. I staŭ pytać: moža, žonka taksama budzie pracavać?». Čamu emihracyja raźbivaje siemji i što rabić, kab usio papravić3434
Kamientary