Biełstat: VUP Biełarusi ŭ 2022 hodzie ŭpaŭ na 4,7%. Płanavałasia, što jon vyraście na 2,9
Nacyjanalny statystyčny kamitet Biełarusi apublikavaŭ pieršuju acenku vałavoha ŭnutranaha praduktu za 2022 hod. Abjom VUP u biahučych cenach skłaŭ 191,4 młrd rubloŭ i źniziŭsia ŭ supastaŭnych cenach na 4,7% u paraŭnańni z 2021-m.
U kancy śniežnia premjer-ministr Biełarusi Raman Hałoŭčanka zajaviŭ, što ŭrad papiarednie čakaje źnižeńnia VUP na 4% pa vynikach hoda.
Lipień 2022-ha staŭ miesiacam pikavaha źnižeńnia VUP, kali ekanomika prasieła bolš čym na 10%. Za studzień — lipień padzieńnie skłała 5,2%. Ale ŭžo sa žniŭnia, jak śviedčyć aficyjnaja statystyka, źnižeńnie zamarudziłasia.
Za studzień — vierasień źnižeńnie VUP skłała 4,7% hod da hoda, takija ž ličby naziralisia pa vynikach kastryčnika i listapada.
Pierad 2022-m ułady prahnazavali rost ekanomiki na 2,9%. Realnaść akazałasia na 7,6% horšaj za płan.
Ciažka skazać, ci možna daviarać hetym ličbam Biełstata. Raniej łukašenkaŭcaŭ šmat razoŭ łavili na falsifikacyi statystyki roznaha rodu.
Spad ekanomiki vyklikany masavymi represijami i spryčynienaj imi emihracyjaj vysokakvalifikavanych śpiecyjalistaŭ, a taksama sankcyjami, nakładzienymi na łukašenkaŭcaŭ za suŭdzieł u ahresii suprać Ukrainy, i strataj ukrainskaha rynku dla biełaruskaj ekanomiki.
Čytajcie taksama:
Sała — plus 21%, bulba — minus 30%. Jak za hod źmianilisia ceny?
U Biełarusi istotna padraśli piensii
Roźničny handal u 2022 hodzie ŭpaŭ na 3,7 %
«U kamfortnych umovach». Urad raskazaŭ, jak budzie raspłačvacca pa daŭhach
Ciapier čytajuć
Ivan Prus raskazaŭ, jak nažyŭsia na $200, pasialiŭšy kinazorku ŭ zaniadbanaj kvatery kala śmietnika ŭ Šabanach, abstaŭlenaj rečami ź jaho internata1616
Kamientary