«Kinopoisk» admaŭlajecca publikavać recenzii na film «Navalny», niahledziačy na vyłučeńnie filma na «Oskar»
Internet-servis «Kinopoisk» (kinopoisk.ru), jaki naležyć «Jandeksu», nie dazvalaje publikavać recenzii na film «Navalny», jaki trapiŭ u šort-list premii Amierykanskaj kinaakademii. Heta zaŭvažyŭ kanał «Možiem objaśniť», jaki pasprabavaŭ pakinuć vodhuk ab kinakarcinie na płatformie.
U asabistym kabiniecie aŭtara recenzija dastupnaja, adnak na staroncy filma «Navalny» jaje niama. Jak niama i inšych recenzij karystalnikaŭ, a taksama vodhukaŭ krytykaŭ — choć u internecie za hod ich było dastatkova. «Kinopoisk» nie pakazvaje i rejtynh filma — nibyta dla hetaha niedastatkova acenak. Pry hetym na IMdb karcinu acaniła amal 15 tys. čałaviek, jaje rejtynh tam składaje 7,6.
Jak źviarnuŭ uvahu kanał «Možiem objaśniť», niama recenzij i ŭ filma «Jon vam nie Dzimon», aŭtar jakoha kamanda Alaksieja Navalnaha. Prytym u jaho bolš za 86 tys. adznak, a rejtynh składaje 8,1.
«Kinopoisk» nieadnarazova abvinavačvali ŭ cenzury. Resurs dahetul tak i nie dadaŭ film «Pałac dla Pucina. Historyja samaha vialikaha chabaru», jaki tolki na YouTube pahladzieła bolš za 125 młn čałaviek. Na KP jość śpiecyjalny tred, dzie źbirajucca adpiski ad kiraŭnictva płatformy.
Ciapier čytajuć
Cichanoŭskaja: Dzieci nie pierajechali ŭ ZŠA, a prosta časova buduć z tatam dziela biaśpieki39
Kamientary