U Kitai paśpiachova kłaniravali vysokapradukcyjnuju parodu karoŭ
Kitajskija bijołahi ŭpieršyniu kłaniravali vysokapradukcyjnuju hołšcinskuju parodu karoŭ, jakija mohuć davać pa 18 ton małaka ŭ hod kožnaja, 31 studzienia paviedamiła hazieta Global Times. Heta dapamoža krainie paźbiehnuć deficytu małočnaj pradukcyi.
Havorka idzie pra paśpiachovaje naradžeńnie troch kłaniravanych cialat, što adbyłosia ŭ ramkach ekśpierymientu daśledčykaŭ z kitajskaha Paŭnočna-zachodniaha ŭniviersiteta. Navukoŭcy ažyćciavili mietodyku «pieranosu jadraŭ samatyčnych kletak». Dla hetaha vykarystoŭvalisia vušnyja tkanki darosłych pradstaŭnikoŭ parod.
Pa słovach kiraŭnika prajekta Cyna Japina, heta adkryćcio ŭ pierśpiektyvie dazvolić zabycca na deficyt małočnaj pradukcyi i zrabić sielskahaspadarčy rynak Kitaja bolš samastojnym.
«My płanujem vydatkavać dva—try hady na stvareńnie vialikaha statka kolkaściu bolš čym 1000 kłaniravanych vysokapradukcyjnych karoŭ. Heta stanie tryvałaj asnovaj dla vyrašeńnia prablemy deficytu małočnaj pradukcyi i zaležnaści Kitaja ad impartu zamiežnych karoŭ», — adznačyŭ Cyn.
Pavodle infarmacyi vydańnia, u Kitai na hety momant naličvajecca kala 6,6 młn hołšcinskich karoŭ, adnak bolšaja častka ich, kali nie ŭsie, pastaŭlałasia z-za miažy na praciahu mnohich hadoŭ. Kali razhladać ahulny impart usich mahčymych dojnych karoŭ, to Kitaj u hetym płanie na 70% zaležyć ad zamiežnych zakupak.
Čytajcie jašče:
Jak u druhim «Terminatary»: navukoŭcy stvaryli robata, zdolnaha pieratvaracca ŭ vadkaść i naadvarot
Navukoŭcy zmahli spynić praces stareńnia ŭ myšej i navučylisia kiravać hetym pracesam. A što nakont ludziej?
Školniki z Tenesi stvaryli novuju rabatyzavanuju ruku svajmu adnakłaśniku
Ciapier čytajuć
«Vyzvalali niemcaŭ ad fašyzmu, a sami zastavalisia ŭ tym ža dziarmie». Apublikavana treciaja častka ŭspaminaŭ Ryhora Biarozkina pra savieckija represii2020
Kamientary