Łukašenka nazvaŭ stol cen na rasijskuju naftu dvajnymi standartami
Alaksandr Łukašenka papraknuŭ krainy Zachadu ŭ padvojnych standartach, u tym liku ŭ pytańni «svabodnaha rynku», cytuje jaho słovy pres-słužba.
«Čamu była ŭstalavana niejkaja stol cen na hałoŭny tavar Rasijskaj Fiederacyi. I nie tolki na heta. I nafta, i naftapradukty. Čamu Zachad i ZŠA pačali rehulavać ceny na naftu i naftapradukty? Rynkavaja ž u śviecie ekanomika», — zajaviŭ Łukašenka na naradzie pa cenaŭtvareńni.
Pa jaho słovach, usie pryvykli da taho, što «demakratyja i svabodny rynak vyratujuć śviet». «Adkul heta pryjšło paśla doŭhaha pieryjadu dekłaratyŭnych cen u Savieckim Sajuzie i rehulavańnia ŭsich i ŭsiaho. Adkul heta pryjšło? Rytaryčnaje pytańnie. Amierykancy, Zachad nas zaŭsiody da hetaha šturchali: demakratyja, demakratyja, pravy čałavieka! Čytaj: što chaču, toje i kruču ŭ krainie, što chaču, toje kažu. A potym 2020-y hod, pamiatajecie … voś i ŭsia demakratyja», — adznačyŭ Łukašenka.
Taksama Łukašenka padkreśliŭ niedapuščalnaść nieabhruntavanaha rostu cen. «Nuvaryšy, jakija ŭčora źjavilisia tolki nieviadoma adkul, stvaryŭšy svaje sietki ŭ handli i hetak dalej, pačali nabivać kišeni, kali zarabotnaja płata ŭ [radavych rabotnikaŭ] kampanii — 500 dalaraŭ, a ŭ ich u 46 abo ŭ 60 razoŭ bolš. Heta što, narmalna?» — aburyŭsia jon.
Kamientary
Tiem boleje, čto naš, drozdovskij samorodok, po samyje uši, zalez v etu vojnu na storonie zachvatčika.