Šolc zaklikaŭ usich sajuźnikaŭ dać tanki Ukrainie prosta ciapier, a Makron skazaŭ pra niasvoječasovaść dyjałohu
Fiederalny kancler Hiermanii Ołaf Šolc, vystupajučy na Miunchienskaj kanfierencyi pa biaśpiecy, zajaviŭ, što sajuźnikam, jakija mohuć dać tanki Ukrainie, varta zrabić heta zaraz ža.
«Usie, chto moža adpravić bajavyja tanki hetaha ŭzoru, pavinny zrabić heta. Ministr abarony Pistoryus, kiraŭnik MZS Bierbak i ja asabista zaklikajem da hetaha. Hiermanija zrobić usio mahčymaje, kab palehčyć takija rašeńni dla partnioraŭ. Naprykład, navučajučy ŭkrainskich vajskoŭcaŭ kiravać tankami tut, u Hiermanii, ci akazvajučy padtrymku z punktu hledžańnia pastavak i łahistyki», — adznačyŭ Šolc.
U svaju čarhu, prezident Francyi Emaniuel Makron u svajoj pramovie zaklikaŭ chaŭruśnikaŭ uzmacnić vajskovuju padtrymku Ukrainy, kab dapamahčy joj pravieści kontrnastupleńnie suprać rasijskich vojskaŭ, jakoje, pavodle jahonych słoŭ, adziny šlach da mahčymaści pieramoŭ, umovy jakich vyznačyć Ukraina.
Makron dadaŭ, što ciapier nie čas dla dyjałohu z Rasijaj.
Čytajcie taksama:
Nakolki zacikaŭlena Jeŭropa ŭ źmienach u Biełarusi, pakazali vyniki debataŭ u Jeŭraparłamiencie
Śvińnia i parasia. Voś čamu pry lubych pieramovach Zachadu z Maskvoj pytańnie nielehitymnaści minskaha kiraŭnictva budzie pastaŭlena rubam
U adkrytym dostupie apublikavali bazu 4000 štatnych supracoŭnikaŭ KDB, imiony ahientaŭ i infarmataraŭ nie nazyvajuć6
Kamientary