Vyzvaleny z pałonu bajec USU: Nas u SIZA vieźli praz terytoryju Biełarusi
Ukrainskich vajennapałonnych vyvozili ŭ Rasiju praz terytoryju Biełarusi. Pra heta «Nastojaŝiemu vriemieni» raspavioŭ vyzvaleny ŭ vyniku vialikaha abmienu 4 lutaha Maksim Kaleśnikaŭ.
Maksim Kaleśnikaŭ staŭ viadomy dziakujučy fota, dzie jon adrazu paśla abmienu jeść jabłyk i pryznajecca, što ŭpieršyniu za hod jeść śviežuju sadavinu.
— Dva dni, tak, načavali na terytoryi Biełarusi, pavieźli nas praź jaje. Pakolki nas uziali ŭ pałon na poŭnačy Kijeŭskaj vobłaści, tam, dzie ŭ nas byli bai na pieršapačatkovym etapie. 20 sakavika my trapili ŭ pałon, a 21 i 22 sakavika my praviali na terytoryi Biełarusi, — raspavioŭ Kaleśnikaŭ.
Mužčyna trapiŭ u pałon u sakaviku 2022 hoda i prabyŭ tam 11 miesiacaŭ. Utrymlivali jaho ŭ SIZA ŭ Branskaj vobłaści. Kaža, za ŭvieś hety čas im ni razu nie davali sadaviny.
Kaleśnikaŭ kaža, što ŭ rasijskim pałonie znachodzicca šmat cyvilnych ukraincaŭ, jany nie traplajuć u abmienny fond tamu, što ŭ ich niama statusu vajennapałonnych.
— Prosta dla paraŭnańnia praporcyi: znachodzilisia ŭ kamiery ŭ śledčym izalatary z 14 čałaviek pieršaha składu majoj kamiery — čaćviora vajskoŭcaŭ i dziesiać cyvilnych.
-
Bajavy dron, jaki ŭ kancy lipienia pralacieŭ nad Vilniaj, zapuskaŭsia ź Biełarusi?
-
Rasijaninu Daniłu Bahrovu dali dzieviać hadoŭ kałonii pa spravie ab sprobie vajavać za Ukrainu
-
HUR uziaŭ adkaznaść za vybuchi pad Uładzivastokam: nazyvajuć heta pomstaj vajskoŭcam RF, jakija ŭdzielničali ŭ zabojstvach pałonnych ukraincaŭ
Kamientary