Biełaruski turbiznes sioleta nie budzie ŭ stanie zadavolić popyt na vyjazny turyzm
Staršynia praŭleńnia Respublikanskaha sajuza turystyčnych arhanizacyj Rusłan Siehianiuk raskazaŭ pra biełaruskija pierśpiektyvy hetaha hoda z vyjaznym turyzmam. Pavodle jaho, ciapier zastałosia ŭsiaho čatyry kirunki z vyletam na adpačynak niepasredna ź Biełarusi.
«Masavych vyjaznych kirunkaŭ z vyletam ź Biełarusi zastałosia ŭsiaho čatyry: Abjadnanyja Arabskija Emiraty, Jehipiet, Hruzija i Turcyja», — pieraličyŭ usio, što zastałosia, Siehianiuk.
Pry hetym jon papiaredziŭ, što z-za abmiežavańniaŭ i roznych sankcyj, a taksama nievialikaj kolkaści kirunkaŭ i pravaznych mahčymaściaŭ, biełaruski turbiznes nie zmoža zadavolić popyt biełarusaŭ na adpačynak u 2023 hodzie.
«I heta navat z ulikam taho, što košt adpačynku padniaŭsia, a taksama ŭskładniłasia łahistyka i bolš času treba pravieści ŭ darozie», — adznačyŭ Rusłan Siehianiuk.
Naprykład, na adno miesca na kurortach Hruzii ŭ minułym siezonie pretendavali 2-3 biełarusy, i ŭsich achvotnych pieravieźci nie zdoleli. Takaja tendencyja maje zachavacca i sioleta, bo kolkaść samalotaŭ u «Biełavija» nie pavialičycca, a kolkaść kirunkaŭ taksama naŭrad ci vyraście.
-
«Mikałaja bili, dzie tolki jaho bačyli». Pra katavańni źniavolenaha anarchista Dziadka raskazała advakatka Mackievič
-
Ci lataje Cichanoŭskaja biznes-kłasam i jak ministr zamiežnych spraŭ Polščy padkinuŭ jaje na svaim samalocie
-
Ci moža pasažyr ź vierchniaj palicy ŭ ciahniku prymusić čałavieka ź nižniaj padzialicca miescam? Nie ŭsio tak prosta
Ciapier čytajuć
«Mikałaja bili, dzie tolki jaho bačyli». Pra katavańni źniavolenaha anarchista Dziadka raskazała advakatka Mackievič2
Kamientary
S = Stabilnosť