Hanna Huśkova nie zmahła prabicca ŭ supierfinał u łyžnaj akrabatycy
Jana paśla dvuch sprobaŭ zaniała vośmaje miesca.
Paśla pieršaj sproba Hanna była 10‑j z vynikam 86,44. U druhoj sprobie jana pakazała dobry vynik — 100,29, ale heta tolki vośmaje miesca.
Zołata vyjhrała kitajanka Siu Mintaa (112,9), u aŭstralijki Denieł Skot — srebra (102,17), u kitajanki Ksi Šaa — bronza (101,9).
Pačynajučy z 1998 hoda biełaruskija frystajlisty pryvozili miedali z usich Alimpijadaŭ, u tym liku u 2010, 2014 i 2018 hadach załatyja. Huśkova ŭziała zołata na Alimpijadzie-2018 i srebra ŭ 2022 hodzie.
Na Alimpijadzie ŭ Biełarusi zastałasia tolki adna pradstaŭnica — kańkabiežka Maryna Zujeva. Jana voźmie ŭdzieł u mas-starcie ŭ subotu.
Miedaloŭ na hetaj Alimpijadzie ŭ biełarusaŭ niama, upieršyniu z 1994 hoda.
Ale na hetych Hulniach u nas minimalnaje pradstaŭnictva, usiaho siem čałaviek, u raniejšyja razy było 27—33, u tym liku z-za mižnarodnaha banu niama bijatłanistaŭ i bijatłanistak, što rehularna pryvozili miedali.
Kamientary