U Kitai ličać, što jaho płany pastavak zbroi Rasii stali viadomyja z-za ŭciečak u Maskvie
Kitajskija ŭłady razzłavalisia na Kreml z-za ŭciečki infarmacyi adnosna ich namieraŭ dać vajennuju padtrymku Rasii ŭ vajnie suprać Ukrainy. Pra heta paviedamiŭ časopis The Economist sa spasyłkaj na adnaho ź jeŭrapiejskich čynoŭnikaŭ, znajomych ź situacyjaj.
Pa infarmacyi časopisa, Kitaju vielmi nie spadabaŭsia toj fakt, što pra jaho płany vajennaj dapamohi Kramlu daviedalisia i dali ahałosku na Zachadzie, što stavić pad udar rolu krainy ŭ jakaści «niejtralnaha pasrednika».
«Kitaj chacieŭ, kab lubaja infarmacyja pra jaho płany vajennaj padtrymki Rasii zastavałasia ŭ tajamnicy, bo heta moža padarvać jaho status niejtralnaha pasrednika i jašče bolš adviernie ad jaho krainy Zachadu, što ŭžo vyliłasia ŭ niepryniaćcie kitajskaha mirnaha płana pa Ukrainie», — padzialiŭsia z časopisam The Economist nienazvany jeŭrapiejski čynoŭnik.
Ź inšaha boku, jak adznačaje časopis, Kitaj nie choča prosta tak nazirać za tym, jak Rasiju «prynižajuć na poli boju pry dapamozie zachodniaj zbroi», bo ŭzbrajeńnie ŭ dźviuch krain vielmi padobnaje i heta taksama hańbić kitajcaŭ.
Plus da ŭsiaho, u Rasii nie zastałosia nikoha inšaha, akramia Kitaja, chto zmoža joj dapamahčy kampiensavać «katastrafičny niedachop bojeprypasaŭ», što ŭ vypadku paśpiachovych kontrnastupleńniaŭ Ukrainy jašče bolš schilić Kitaj da vajennaj padtrymki Rasii.
«U Rasii zakančvajecca adzin z samych śmiarotnych instrumientaŭ hetaj vajny — artyleryjskija snarady. Jana ŭžo abłaziła ŭvieś śviet u pošukach starych savieckich zapasaŭ i ŭ jaje zastałosia vielmi niašmat siabroŭ, da kaho jašče možna źviarnucca: u Biełarusi składy ŭžo ačyščanyja, u Irana snaradaŭ mała, a Paŭnočnaja Kareja padzialiłasia tolki častkaj, bo sama baicca spustašać svoj arsienał. Tolki Kitaj moža dapamahčy pa-sapraŭdnamu», — adznačaje The Economist.
Nahadajem, što jašče ŭ kancy lutaha stała viadoma pra pieramovy Kitaja z Rasijaj nakont pastavak 100 bajavych bieśpiłotnikaŭ. Padobnyja źviestki pra płany vajennaj padtrymki Kramla stali źjaŭlacca ŭsio čaściej, što pavialičvaje ryzyku niehatyŭnaj reakcyi z boku krain Zachadu.
Sam Kitaj pry hetym nieadnarazova zajaŭlaŭ, što nie źbirajecca akazvać vajennuju dapamohu Rasii.
Čytajcie jašče:
U ZŠA prakamientavali vizit Łukašenki ŭ Kitaj
Kitaj vyrašyŭ viarnucca da nazyvańnia Uładzivastoka Chajšenvajem
Pakul Rasija zachoplivaje ziemli, handal pamiž Kitajem i ZŠA bje ŭsie rekordy
Ciapier čytajuć
Polšča pryznała Alaksandra Mašenskaha niepažadanaj asobaj34
Kamientary