Śpikier Siejma Litvy spadziajecca, što miažu ź Biełaruśsiu adkryjuć u kancy miesiaca
Urad Litvy zakryŭ miažu ź Biełaruśsiu da kanca miesiaca praź mieteazondy z kantrabandaj. Śpikier Siejmu Juozas Olekas spadziajecca, što paśla zakančeńnia vyznačanaha terminu jana budzie adkrytaja. Choć hetaje rašeńnie i balučaje dla biełaruskaha režymu, jano taksama parušaje zvykły ŭkład žyćcia ŭ Litvie, piša Delfi.lt.
«Ja dumaju, što pryniatyja ciapier miery buduć mieć balučy efiekt, ale, niezaležna ad reakcyi biełaruskaha režymu, ja ŭsio roŭna chaču, kab žyćcio praciahvałasia i kab miežy byli adkrytyja», — zajaviŭ Juozas Olekas u intervju Žinių radijas.
«Zakryćcio miažy, viadoma, maje efiekt strymlivańnia tych, chto vypuskaje hetyja šary, ale taksama pieraškadžaje našamu narmalnamu žyćciu», — śćviardžaje palityk.
Pavodle jaho słoŭ, zakryćcio miažy pazbaviła žycharoŭ mahčymaści naviedvać mahiły svaich svajakoŭ u Biełarusi i praciahvaje pieraškadžać ruchu hruzavych aŭtamabilaŭ pa mižnarodnych maršrutach.
«Ja vieru, što my chacieli b, kab miaža była adkrytaja, kab našy ludzi mahli jeździć [u Biełaruś], kab našy pieravozčyki mahli jeździć, (…) tamu my pastarajemsia vyrašyć hetuju prablemu», — zajaviŭ sacyjał-demakrat.
Jon raskrytykavaŭ dziejańni papiaredniaha ŭrada, jaki, pavodle słoŭ parłamientaryja, nie adreahavaŭ naležnym čynam na pahrozu mieteazondaŭ. «Pazicyja papiaredniaha ŭradu była takaja: ničoha strašnaha, chaj lotajuć [šary], heta kantrabanda, i, mahčyma, nie było dastatkovaha reahavańnia dla baraćby ź joj, i heta mahło vyklikać takija hibrydnyja prablemy», — zajaviŭ Olekas.
Praz napłyŭ mieteazondaŭ z kantrabandaj u kancy kastryčnika Vilenski aeraport niekalki razoŭ prypyniaŭ paloty, adzin raz paloty prypyniaŭ i Kovienski aeraport. U vyniku ŭrad Litvy pryniaŭ rašeńnie zakryć miažu ź Biełaruśsiu da 30 listapada.
Ciapier čytajuć
Za padpisku na kanały treš-błohiera Mełstroja ciapier buduć karać1
Za padpisku na kanały treš-błohiera Mełstroja ciapier buduć karać
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie10
Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ2222
Kamientary
To jesť tiepieŕ šary pieriestali letať ottoho, čto ich nie puskajut čieriez punkty propuska? ;)
A jaki efiekt? šary ciapier nie pieralatajuć zakrytuju miažu?