Były muž błohierki, jakaja razam z 17‑hadovym žanichom šykavała na sabranaje dla chvoraha dziciaci, raskrytykavaŭ tych, chto hetyja hrošy joj pieravodziŭ
«Voś chitryja — atrymali ajfony, mašyny, a ciapier buduć repościć u storys, što voś, zatrymali. Zadajcie sabie sami takoje pytańnie — što z vami nie tak?!»
Papularnyja błohiery z Hrodna 17‑hadovy Michaił Drahun i 37‑hadovaja Jaŭhienija Tarasienka pravodzili rozyhryš, kab sabrać hrošy dla vaśmihadovaha Vani Ściacenki, u jakoha ciažkaja hienietyčnaja chvaroba — mijadystrafija Dziušena. Nieabchodny chłopcu ŭkoł kaštuje $2,9 miljona. Para abiacała, što na pryzy ŭdzielnikam patracić nievialikuju sumu, a bolšuju častku hrošaj addaść na lačeńnie Vani.
Błohiery sapraŭdy mieli vialikuju aŭdytoryju. Na staronku Jaŭhienii ŭ instahramie byli padpisanyja 550 tysiač čałaviek, na staronku Michaiła — 209 tysiač. Letaś jany zaśviacilisia na praŭładnym šou «Fabryka błohieraŭ», dzie nastaŭnikami byli Volha Buzava, Uład Kabiakoŭ i Jaŭhien Aniehin.
Sabrać Michaił i Jaŭhienija zdoleli 1,5 miljona rubloŭ. Ale mamie chvoraha dziciaci jany pieradali tolki 200 tysiač rubloŭ. Jašče 315 tysiač rubloŭ vydatkavali na pryzy dla ŭdzielnikaŭ strymu. Astatniaje puścili na šykoŭnaje žyćcio.
Były muž Jaŭhienii taksama davoli papularny błohier — Aleh Tarasienka, na jaho padpisanyja 128 tysiač čałaviek (2 tysiačy ź ich dadalisia paśla skandału ź jaho byłoj žonkaj).
Padpisčyki Aleha paprasili jaho prakamientavać situacyju.
— Nie pytajcie ŭ mianie ničoha. Ja ničoha nie viedaju. Jak jość… Blin, ja nie viedaju, čym ludzi dumali. Mnie škada tolki syna majho. Spadziajusia, jon ni pra što nie daviedajecca. Mama prosta źjedzie ŭ kamandziroŭku kudy-niebudź.
Ale Aleh abrynuŭsia z krytykaj na tych ludziej, jakija pieravodzili jaho byłoj žoncy i jaje kachanku hrošy (błohiery prapanoŭvali padpisčykam za 10 rubloŭ udzielničać u rozyhryšy, dzie hałoŭnymi pryzami byli smartfony ci aŭtamabil).
— Ludzi, jakija pieravodzili hrošy, čamu jany adrazu nie pieravodzili ich na rachunak Ivanu, a zachacieli takoj nažyvy? Voś chitryja — atrymali ajfony, mašyny, a ciapier buduć repościć u storys, što voś, zatrymali. Zadajcie sabie sami takoje pytańnie — što z vami nie tak?!
U svaim telehram-kanale Aleh napisaŭ: «Daj boh, kab nie pasadzili. Moža, adumajecca i voźmiecca za hałavu». U kamientarach pakryŭdžanyja ŭdzielniki rozyhryšu pačali kidać skrynšoty pierapisak ź jaho byłoj žonkaj.
Aleh ža zaklikaŭ usich pieravodzić hrošy na realny rachunak chłopca, jakomu treba lačeńnie. Ź nieabchodnych $2,9 miljona nieabchodna sabrać jašče kala $2,5 miljona.
Tym časam suprać Michaiła i Jaŭhienii zaviali kryminalnuju spravu za machlarstva ŭ asabliva bujnym pamiery. Zatrymanym pahražaje da 12 hadoŭ pazbaŭleńnia voli.
Chto tyja 17‑hadovy błohier i jaho 37‑hadovaja niaviesta, jakija šykoŭna žyli na miljon, skradzieny sa zboru na chvoraje dzicia?
17‑hadovy błohier i jaho 37‑hadovaja dziaŭčyna patracili na siabie miljon rubloŭ, sabrany na dabračynnaść
«Ludzi saromielisia, što pryjechali. Jašče i kantrakt na hod padpisvaješ». Błohiery raskazali pra zakuliśsie kastynhu na praŭładnaje realici-šou
Kamientary