BČ płanuje zvolnić 8 tysiač supracoŭnikaŭ — «Supolnaść čyhunačnikaŭ»
«Supolnaść biełaruskich čyhunačnikaŭ» sa spasyłkaj na svaje krynicy ŭ sistemie paviedamlaje, što na Biełaruskaj čyhuncy nibyta płanujucca masavyja skaračeńni.
Namiery skaracić kadry nibyta źviazany ź biadotnym finansavym stanoviščam kampanii i sankcyjnym ciskam na Biełaruś, jaki niepasredna tyčycca čyhunačnych pieravozak.
Adnosna mierkavanych maštabaŭ zvalnieńniaŭ nazyvajecca ličba 8 tysiač čałaviek, ale heta tolki prybliznaja ličba, jakaja ŭ pracesie moža i pavialičycca.
«Supolnaść čyhunačnikaŭ» padkreślivaje, što zvalniać mohuć nie tolki supracoŭnikaŭ Biełaruskaj čyhunki, jakija ŭdzielničali ŭ pratestach, ale i inšych rabotnikaŭ, jakich buduć łavić na luboj pravinie, kab znajści farmalnuju nahodu dla zvalnieńnia.
Pa stanie na vierasień 2022 hoda ŭ struktury Biełaruskaj čyhunki pracavali kala 63 tysiač čałaviek.
Kamientary