«Kali vyrašycie, što patrebna vam inšaje žyćcio, — pasprabujcie». Łukašenka vykazaŭsia pra nastupnyja prezidenckija vybary
Pra heta Łukašenka zajaviŭ, vystupajučy pierad žurnalistami ŭ Chatyni.
Łukašenku spytali pra palityčnuju kampaniju, jakaja budzie prachodzić u nastupnym hodzie ŭ krainie, i pra toje, u jakim stanie da hetaha padychodzić hramadstva.
«U lutym 2024 hoda parłamienckija vybary, usich Savietaŭ vybary — adziny dzień hałasavańnia, i praź niekatory čas my pierachodzim da vybaraŭ delehataŭ Usiebiełaruskaha narodnaha schodu. Jak zvyčajna, praź niekatory čas pierachodzim u prezidenckuju kampaniju. My rychtujemsia z punktu hledžańnia harantavańnia biaśpieki dla ludziej. A astatniaje — kali łaska, vy vyrašajcie. Jak zaŭsiody, vyrašać budzie narod. Kali vy vyrašycie, što patrebna vam inšaje žyćcio, — haspodź z vami, pasprabujcie», — skazaŭ Alaksandr Łukašenka.
Łukašenka ŭpeŭnieny, što na fonie apošnich padziej biełarusy pa-inšamu pačali hladzieć na šmat rečaŭ.
«Ja nie chaču, kab było tak, jak siońnia va Ukrainie. U mianie dzieci, u mnohich z vas dzieci. Chaciełasia b, kab dzieci žyli narmalna», — skazaŭ jon.
Łukašenka kiruje Biełaruśsiu z 1994 hoda, jon braŭ udzieł u šaści vybarčych kampanijach.
Ciapier čytajuć
Pratasievič znoŭ ženicca — ciapier z tarołaham Nastaśsiaj, jakaja pracavała ŭ elitnym miedcentry «Miersi»8
Kamientary