Łukašenka ličyć, što «aryjskija standarty» siońnia zamianili na demakratyčnyja kaštoŭnaści, a ŭ krainach-susiedziach «pračnuŭsia instynkt karnikaŭ»
Spadčyńniki fašyzmu zamianili «aryjskija standarty» na libieralnyja demakratyčnyja kaštoŭnaści. Ab hetym Alaksandr Łukašenka zajaviŭ na mierapryjemstvie, prymierkavanym da 80-j hadaviny chatynskaj trahiedyi, pieradaje BiełTA.
«Vy viedajecie: u fašyzmu niama čałaviečaha tvaru, ale jość imiony. Imiony zabojcaŭ i zdradnikaŭ. I my ich viedajem. Jość spadčyńniki i idejnyja pradaŭžalniki, u jakich znoŭ abudziŭsia hien nianaviści da nas, usioj słavianskaj cyvilizacyi, našaha naroda. «Aryjskija standarty» jany zamianili na libieralnyja demakratyčnyja kaštoŭnaści. Filtravańnie narodaŭ na adpaviednaść novamu etałonu idzie daŭno. Praz kalarovyja revalucyi, miaciažy, proksi-vojny, sankcyi, šantaž. Jak daloka heta moža zajści — my taksama viedajem», — skazaŭ Łukašenka.
Jon ličyć, što heta ŭsio vidać na prykładzie susiednich krain, dzie, pavodle jaho, uźniaŭ hałavu sučasny nieanacyzm.
«Bačym, jak pračynajucca instynkty prodkaŭ — ukrainskich, łatyšskich, litoŭskich i polskich karnikaŭ, jakija kidali ŭ ahoń našych dziaciej, starych i žančyn», — skazaŭ jon.
Śpiavak Dźmitryj Kałdun pakazaŭ svaju minskuju kvateru niedaloka ad Drazdoŭ ŠMAT FOTA16
Kamientary
U mianie ŭ hałavie dadajecca "...2020".