Vyklučeńnie atletaŭ na padstavie hramadzianstva stała b «dyskryminacyjaj», ličyć Tomas Bach.
Prezident Mižnarodnaha alimpijskaha kamiteta (MAK) Tomas Bach padčas vystupu ŭ sieradu ŭ Esenie vykazaŭsia za stvareńnie ŭmoŭ dla dopusku da spabornictvaŭ rasijskich i biełaruskich atletaŭ. Sa słoŭ kiraŭnika MAK, vyklučeńnie rasijan i biełarusaŭ tolki na padstavie hramadzianstva stała b «dyskryminacyjaj», a Alimpijskija hulni «mohuć spryjać dyjałohu ŭ napružany čas», piša Deutsche Welle.
Na pačatku poŭnamaštabnaha ŭvarvańnia RF va Ukrainu MAK rekamiendavaŭ vyklučyć sa spabornictvaŭ Rasiju i Biełaruś, adnak ciapier arhanizacyja pad kiraŭnictvam Tomasa Bacha vystupaje za dopusk atletaŭ pad niejtralnym ściaham na kvalifikacyjnyja spabornictvy napiaredadni Alimpijskich hulniaŭ 2024 hoda ŭ Paryžy.
Pa słovach Bacha, jon vystupaje suprać «palityčnaha ŭpłyvu na sport», a taksama lubych dumak ab tym, što z rasijanami i biełarusami treba abychodzicca tak, «byccam jany niasuć kalektyŭnuju vinu». «My razumiejem ukraincaŭ i ŭkrainskich spartoŭcaŭ, ale, ź inšaha boku, budučy hłabalnaj arhanizacyjaj, my niasiom adkaznaść za zachavańnie pravoŭ čałavieka i Alimpijskaj chartyi, — zajaviŭ Bach u Esenie. — I toje, i druhoje zabaraniaje poŭnuju izalacyju ludziej z adnym peŭnym pašpartam».
Raniej MAK zajaŭlaŭ, što nie choča dapuskać spartsmienaŭ, jakija «aktyŭna padtrymlivajuć vajnu», pakidajučy pry hetym kančatkovaje rašeńnie za spartyŭnymi fiederacyjami. U svaim vystupie Tomas Bach udakładniŭ, što ŭ jakaści aktyŭnaj padtrymki vajny Kamitet rasceńvaje, u tym liku, našeńnie spartoŭcami simvoliki z Z i dopisy ŭ sacsietkach.
Ciapier čytajuć
Vajb-prahramavańnie źmienić rolu raspracoŭščyka, RLVR, i kali łopnie burbałka. Biełarus-inžynier u halinie ŠI, jaki pracuje ŭ ZŠA, raskazaŭ, što nas čakaje ŭ 20261
Kamientary