Jakija imiony čaściej za ŭsio dajuć novanarodžanym dzieciam u stalicy. Nazvany papularnyja i redkija imiony
Za 2022 hod u stalicy naradziłasia 15 493 dziciaci. Jakimi imionami nazvali novanarodžanych, karespandentu ahienctva «Minsk-Naviny» raskazała načalnik adździeła nataryjata, ZAHSaŭ i licenzijataŭ u śfiery jurydyčnych pasłuh Hałoŭnaha ŭpraŭleńnia justycyi Minharvykankama Julija Michałap.
Imia Safija ŭžo niekalki hadoŭ zjaŭlajecca samym papularnym žanočym imiem. Za minuły hod jaho ŭładalnicami stali 392 dziaŭčynki.
Na druhim miescy — Maryja (303).
Hannaj nazvany 302 minčanki, Alisaj — 297, Jevaj — 291.
Stanisłava, Chłoja, Jadviha, Junona, Taisa, Žanna i Halina ŭvajšli ŭ lik redkich imionaŭ.
Siarod mužčynskich letaś samym papularnym akazałasia imia Michaił — tak nazvali 374 chłopčykaŭ.
Paśla jaho — Arciom (330), Maćviej (327), Mark (316), Raman (296).
A voś imiony Spartak, Mir, Mars, Vasil, Prakop, Valeryj u 2022 hodzie sustrakalisia redka.
Užo niekalki hadoŭ zachoŭvajecca zakanamiernaść: chłopčykaŭ u stalicy naradžajecca bolš. Minuły hod nie staŭ vyklučeńniem — 7847 chłopčykaŭ i 7646 dziaŭčynak.
Michałap adznačyła, što dziciaci možna dać nie bolš za dva imiony. Pry hetym asnoŭnym budzie ličycca toje, jakoje ŭkazana ŭ akcie naradžeńnia pieršym.
— Hałoŭny kryter pry vybary imia — jano nie pavinna supiarečyć normam hramadskaj marali, — skazała surazmoŭnica.
Kamientary
počiemu imia śvietłana nie priznajetsia cierkov́ju