Navuka i technałohii

Midjourney zakryvaje biaspłatnyja probnyja viersii svajho hienieratara malunkaŭ štučnym intelektam z-za «nadzvyčajnaha» złoŭžyvańnia

Instrumient vykarystoŭvaŭsia, u pryvatnaści, dla padrobki vyjavaŭ Trampa i Papy.

Aryšt Trampa, stvorany pry dapamozie ŠI / Vyjava: sacsietki

Midjourney spyniaje biaspłatnaje vykarystańnie svajho hienieratara malunkaŭ štučnym intelektam (ŠI) paśla taho, jak ludzi stvaryli hučnyja dypfejki z dapamohaj hetaha instrumienta. Hienieralny dyrektar Devid Cholc kaža, što kampanija spyniaje biaspłatnyja probnyja viersii z-za «nadzvyčajnaha popytu i złoŭžyvańniaŭ imi», paviedamlaje Engaget. Pavodle Cholca, novych mier biaśpieki nie było dastatkova dla praduchileńnia niapravilnaha vykarystańnia padčas vyprabavalnaha pieryjadu. Na hety momant vam daviadziecca płacić nie mienš za 10 dalaraŭ na miesiac za vykarystańnie hetaj technałohii.

U apošnija tydni Midjourney znoŭ akazaŭsia ŭ centry ŭvahi. Karystalniki abapiralisia na ŠI, kab stvaryć dypfejk-vyjavy aryštu Donalda Trampa i Papy Franciška ŭ modnym puchaviku. Niahledziačy na ​​toje, što zdymki byli chutka identyfikavanyja jak falšyvyja, isnuje aściaroha, što Midjourney, DALL-E ad OpenAI i padobnyja hienieratary mohuć vykarystoŭvacca dla raspaŭsiudžvańnia dezynfarmacyi.

Midjourney pryznała prablemy z raspracoŭkaj palityki ŭ dačynieńni da kantentu, tak jak ŠI zabiaśpiečvaje ŭsio bolš realistyčnyja vyjavy. Jašče ŭ 2022 hodzie Cholc abhruntavaŭ zabaronu na vyjavy hałoŭnaha kitajskaha kamunista Si Czińpina žadańniem «minimizavać dramu»: maŭlaŭ, važniej mieć luby dostup u Kitai, čym dazvalać satyryčny kantent. Midjourney spadziavajecca palepšyć maderacyju ŠI, jakaja adsočvaje złoŭžyvańni, kaža zasnavalnik.

Stvorany pry dapamozie ŠI dypfejk Papy ŭ puchaviku / Vyjava: sacsietki

Niekatoryja raspracoŭščyki ŭžo pačali ŭstaloŭvać strohija praviły, kab praduchilić incydenty. OpenAI, naprykład, zabaraniaje lubyja vyjavy biahučych palityčnych padziej, teoryj zmoŭ i palitykaŭ. Taksama pad zabaronu traplaje prapahanda nianaviści, seksualnaść i hvałt.

Adnak inšyja kankurenty pakul majuć adnosna svabodnyja rekamiendacyi. Naprykład, karystalniki instrumienta Stable Diffusion nie mohuć kapijavać styli peŭnych mastakoŭ, a taksama ŭklučaje novy filtr NSFW (pryznačany siarod inšaha dla vydaleńnia kantentu dla darosłych), ale ž ŠI Stable Diffusion zvyčajna nie dyktuje, što mienavita ludzi mohuć rabić ź jaho dapamohaj.

Zmanlivy źmiest — nie adzinaja prablema dla vytvorčaści malunkaŭ ŠI. Isnujuć daŭnija zakłapočanaści nakont aŭtarskich pravoŭ i skradzienaha kantentu, bo časta daŭno isnujučyja vyjavy vykarystoŭvajucca ŭ jakaści «punktaŭ adliku» pry pracy ŠI. I ŭ toj čas jak niekatoryja kampanii ŭžo napoŭnicu vykarystoŭvajuć štučny intelekt u svaich praduktach, pakul jašče isnuje šmat vahańniaŭ z boku firmaŭ, jakija bajacca atrymać niepažadanuju ŭvahu.

Kamientary

 
Naciskańnie knopki «Dadać kamientar» aznačaje zhodu z rekamiendacyjami pa abmierkavańni.

Ciapier čytajuć

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»3

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»

Usie naviny →
Usie naviny

Kolki šenhienskich viz atrymali biełarusy ŭ 2024 hodzie i jakija krainy ich čaściej vydajuć?9

Adzinaccać hadoŭ Łukašenka raźvivaje harady-spadarožniki. Pakul atrymlivajecca nie vielmi

U ES uzhadnili admienu štampaŭ na miažy Šenhienu1

Ludzi ŭ šoku ad taho, kolki kaštuje vosiem dzion płyć pa rekach Paleśsia na ciepłachodzie «Biełaja Ruś»10

Biełarus znajšoŭ na nabytym učastku dziŭnyja rečy na vypadak apakalipsisu1

«Šykoŭny restaran №1». Jak vyhladaje abnoŭlenaja stałovaja harvykankama ŭ Breście5

U Minsku piaty hod žyvie finski biznesoviec sa śpisu samych šukanych Eŭrapołam złačyncaŭ2

Brytanija, Francyja i Kanada pryhrazili Izrailu «kankretnymi dziejańniami»7

Tramp zajaviŭ, što hatovy adstupić ad pieramovaŭ pamiž Ukrainaj i RF, kali nie budzie prahresu12

bolš čytanych navin
bolš łajkanych navin

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»3

Pamior palitviazień Valancin Štermier. «Ledź chadziŭ paśla insultu — a jaho kinuli ŭ ŠIZA»

Hałoŭnaje
Usie naviny →

Zaŭvaha:

 

 

 

 

Zakryć Paviedamić