Hrodzienski fatohraf stvaryŭ kalandar z histaryčnymi asobami horada, a potym pačaŭ pisać pra ich pjesy
Hrodzienski fatohraf i dramaturh Rusłan Chilimončyk piša pjesy, pryśviečanyja asobam z historyi Hrodna. U jaho biblijahrafii jość tvory, pryśviečanyja atletu Jakubu Čachoŭskamu, fatohrafu Piatru Šumavu, a taksama karalevie Bonie Sforca.
U 2021 hodzie Rusłan Chilimončyk stvaryŭ kalandar dla Hrodzienskaha dramatyčnaha teatra. U jaho kancepcyju aŭtar zakłaŭ «histaryčnych asobaŭ Hrodna». Padčas pracy nad kalendarom Rusłan vyjaviŭ, što jość šmat ludziej nie zusim viadomych jamu, ale jakija ŭ svoj čas pakinuli prykmietny śled u historyi.
«Paźniej źjaviłasia žadańnie ich ažyvić. Było b vydatna, kali b na scenie teatra my b zhadvali ich», — skazaŭ Rusłan Chilimončyk «Viačerniamu Hrodna».
Pieršyja pjesy byli pra asiłka Jakuba Čachoŭskaha, jaki naradziŭsia ŭ Hrodnie ŭ 1897 hodzie. Paźniej jon staŭ husaram, zajmaŭsia baraćboj, a taksama vystupaŭ u cyrku. Pavodle Chilimončyka, trenirovačnyja pryncypy atleta aktualnyja dasiul.
Druhuju pracu dramaturh pryśviaciŭ inšamu ŭradžencu Hrodna — fatohrafu Piatru Šumavu. Jon naradziŭsia ŭ 1872 hodzie, byŭ adnym ź viadomych i najbolš važnych dziejačaŭ sacyjalistyčnaha ruchu ŭ Hrodnie na pačatku XX stahodździa. Ale bolš Šumaŭ viadomy tym, što fatahrafavaŭ navukoŭca Albierta Ejnštejna, mastaka Marka Šahała, paetku Marynu Ćviatajevu, kampazitara Siarhieja Prakofjeva, paeta Uładzimira Majakoŭskaha.
«Potym ja ŭžo šukaŭ u bijahrafijach niejkija nie zusim vidavočnyja fakty, jakija mahli b zacikavić prostaha čałavieka. Tak atrymałasia z Bonaj Sforca. Było cikava pahruzicca ŭ toj čas i razumieć, što voś naš samy stary hadzińnik u Jeŭropie na Farnym kaściole — jaje zasłuha», — skazaŭ Chilimončyk.
Na jaho dumku, pra Bonu Sforca možna napisać nie adnu knihu. Tamu pjesa — tolki epizod z žyćcia, praź jaki hetuju histaryčnuju asobu jašče nie razhladali.
Nastupnaja hierainia pjesy Chilimončyka — piśmieńnica Eliza Ažeška. Ciapier dramaturh znajomicca z tvorčaściu Ažeški, bo choča pahruzicca ŭ śviet čałavieka praź jaho tvorčaść.
Čytajcie:
«Kab adnojčy viarnucca dachaty». Hanna Šarkunova napisała pieśniu na słovy Maksima Znaka
89-hadovy Kastuś Ćvirka: Budu žyć, pakul nie vydam usie 200 tamoŭ «Biełaruskaha knihazboru»!
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia11
Dyk usio ž ci biaśpiečny Telegram i dla jakich metaŭ biaśpiečny? Voś što jasna na siońnia
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda11
Historyja ŭ EHU — heta histfak vašaj mary. Jeŭrapiejski dypłom z navučańniem na biełaruskaj movie pry intensiŭnym vyvučeńni anhlijskaj. I poŭnaja svaboda1
«Vajna ŭsio śpiša». Biełaruskim udzielnikam hiej-prajda ŭ Vilni pahražali raspravaj ad imia biełaruskich vajaroŭ za vykarystańnie bieła-čyrvona-biełaha ściaha219219
Kamientary