«Čornaja sotnia» pachvaliłasia ŭ svaich sacyjalnych sietkach udziełam u XXXIII Minskaj mižnarodnaj knižnaj vystavie-kirmašy, źviarnuŭ uvahu Reform.news.
U Biełaruś «čarnasociency» pryvieźli knihi, jakija prasłaŭlajuć rasijskuju ahresiju suprać Ukrainy.
«Pieršaje źjaŭleńnie «Čornaj sotni» na najbujniejšaj biełaruskaj mižnarodnaj vystaŭcy-kirmašy adbyłosia! Zachavalnik Leanid užo sustrakaje pieršych pakupnikoŭ, i prodažy iduć davoli aktyŭna», — havorycca ŭ paviedamleńni.
Vystava pracuje z 17 pa 22 sakavika. Asnoŭny arhanizatar — Ministerstva infarmacyi.
Na sajcie vystavie-kirmašu jość śpis udzielnikaŭ i płan raźmiaščeńnia. «Čornaja sotnia» sapraŭdy paznačana jak adzin z udzielnikaŭ.
«Čornaja sotnia» — heta ahulnaja nazva ultrakansiervatyŭnych, manarchičnych i nacyjanalistyčnych arhanizacyj u Rasijskaj impieryi pačatku XX stahodździa (prykładna 1905—1917 hady). Ich ideałohija ŭklučała žorstki nacyjanalizm i šavinizm, antylibierlizm i antysacyjalizm, mocny antysiemityzm.
Ciapier čytajuć
Statkievič raskazaŭ, jak vyžyvaŭ u źniavoleńni. I čym zajmajecca ciapier1
Kamientary
[Zredahavana]