U Mahilovie mohuć uklučyć u śpis historyka-kulturnych kaštoŭnaściaŭ amal sotniu budynkaŭ
Mahiloŭski harvykankam abviaściŭ pra pačatak hramadskaha abmierkavańnia hienieralnaha płana horada Mahilova. Jano budzie prachodzić z 12 pa 26 krasavika 2023 hoda, paviedamlaje «Mahiloŭ Media».
Novy hienpłan Mahilova źviarnuŭ uvahu daśledčykaŭ tym, što im praduhledžvajecca ŭklučeńnie ŭ śpis historyka-kulturnych kaštoŭnaściaŭ adrazu niekalkich dziasiatkaŭ (kala 80) budynkaŭ u histaryčnym centry Mahilova, što byli pabudavany ŭ kancy XIX — pačatku XX stahodździaŭ. Heta davajennaja i pavajennaja architektura vulic Pieršamajskaj, Leninskaj, Pijanierskaj, Lepiašynskaha, Mironava i inšych.
Taksama ŭ tekście hienpłana adznačajecca, što ŭ rajonie vulic Sadovaja, Mianžynskaha, Plachanava, Varoŭskaha, Vakzalnaja i inšych zachavalisia prykłady draŭlanaj zabudovy pieršaj pałovy XX stahodździa, jakija majuć charakternyja elemienty draŭlanaj architektury hetaha pieryjadu. «Prykłady draŭlanaj histaryčnaj zabudovy metazhodna zachavać i vypracavać rehłamienty (patrabavańni) pa jaje źmieście i ekspłuatacyi».
Paznajomicca z prajektam možna pa hetaj spasyłcy.
Hienieralny płan — heta prajekt, jaki vyznačaje stratehiju kompleksnaha horadabudaŭničaha raźvićcia horada i prylehłych terytoryj. Zvyčajna heta ambicyjny płan, jakim praduhledžvajecca kompleksnaje adnaŭleńnie architekturnych pomnikaŭ histaryčnaha centra, raźvićcio transpartnaj infrastruktury, płan pa budaŭnictvie novych žyłych rajonaŭ i hetak dalej.
Ciapier čytajuć
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski32
«Łukašenka mnie skazaŭ: «Chočaš — možaš adkazać nam, udaryć pa Mazyry, pa zavodzie» — Zialenski
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi11
Zialenski: Ja nie budu kazać, jakim sposabam, ale našyja ludzi zajmalisia tym, kab try-čatyry retranślatary ŭžo nie pracavali na terytoryi Biełarusi1
«Mama, davaj napišam zajavu ŭ milicyju, jon mianie ŭžo dastaŭ». Maci školnika z Bresta, jaki skončyŭ žyćcio samahubstvam, raskazała pra ckavańnie syna2626
Kamientary