Zialenski ŭvioŭ sankcyi suprać Niedasiekava, Kavalčuka i Ramanava
Prezident Ukrainy Uładzimir Zialenski padpisaŭ ukaz ab uviadzieńni sankcyj suprać šerahu biełaruskich, rasijskich i ŭkrainskich hramadzian. Dakumient apublikavany na sajcie prezidenta Ukrainy.
Ź biełarusaŭ pad sankcyi patrapili lohkaatlet Maksim Niedasiekaŭ, ministr sportu i turyzmu Siarhiej Kavalčuk, staršynia Respublikanskaha hramadskaha abjadnańnia «Biełaja Ruś» Aleh Ramanaŭ. Usie jany zajaŭlali pra svaju padtrymku Alaksandra Łukašenki, u tym liku i jaho pazicyi pa vajnie Rasii suprać Ukrainy.
Abmiežavańni praduhledžvajuć błakavańnie aktyvaŭ, spynieńnie handlovych apieracyj i inšyja miery — terminam na 50 hadoŭ.
Jašče adnym ukazam Zialenski ŭchvaliŭ sankcyi suprać kampanij, jakija akazvajuć pasłuhi ŭ halinie infarmacyjnych i ličbavych technałohij. U śpis patrapili rasijskija «Jandeks» i «Ukantakcie», a taksama biełaruskaja kampanija «Intermiech», jakaja zajmajecca raspracoŭkaj i ŭkaranieńniem sistem aŭtamatyzacyi pracesaŭ na mašynabudaŭničych i pryborabudaŭničych pradpryjemstvach.
Usiaho ad pačatku vajny Zialenski ŭvioŭ sankcyi suprać bolš jak 2500 hramadzian Biełarusi — u tym liku vysokapastaŭlenych čynoŭnikaŭ i siłavikoŭ, i bolš jak 1300 biełaruskich kampanij, u tym liku Biełaruskaj čyhunki, «Biełaruśkalija», «Biełnaftamaša», Homielskaha chimičnaha zavoda.
Raźviedka ZŠA: Biełaruś stała pieradavym vajskovym płacdarmam Rasii24
Kamientary