Sakratar Rady nacyjanalnaj biaśpieki i abarony Ukrainy Alaksiej Daniłaŭ pierakanany, što na časova akupavanyja terytoryi Chiersonščyny i Łuhanščyny jeździŭ nie prezident RF Uładzimir Pucin, a adzin ź jaho dvajnikoŭ.
«Nu, pa-pieršaje, nijaki Pucin tam nie byŭ. Heta dakładna viadomaja reč. Dla taho, kab pahutaryć z hetym Pucinym, vy pavinny minimum 10-14 dzion pravieści na karancinie. Nijakaha Pucina tam nie było. Byŭ zvyčajny dvajnik, jakich u jaho nie adzin — heta ŭžo hetak ža viadomaja reč».
Sa słoŭ Daniłava, Pucin — «čałaviek spałochany», i dumać, što jon moža pryjechać takim čynam — prosta niemahčyma.
Sakratar RNBA nahadaŭ, jak zamiežnych haściej sadziać za stoł na vialikaj adlehłaści ad rasijskaha dyktatara, a pajezdki Pucina, ź jaho słoŭ, — heta «cełaja pracedura», dzie padrychtoŭčy praces startuje «za 2-3 tydni» i «nijakich ekspromtaŭ tam daŭno niama».
«Heta pramaja supraćlehłaść našamu prezidentu, jaki moža ŭ luby čas naviedać liniju frontu, niepasredna być z našymi vajskoŭcami. Heta naša adroźnieńnie. Adroźnieńnie ad bunkiernaha dzieda Pucina, jaki chutka sam siabie budzie pałochacca», — padsumavaŭ Daniłaŭ.
Ciapier čytajuć
Za minuły hod nasielnictva Biełarusi skaraciłasia jašče na 53 tysiačy čałaviek2
Za minuły hod nasielnictva Biełarusi skaraciłasia jašče na 53 tysiačy čałaviek
«Treba sieści i razmaŭlać. Kali nie atrymlivajecca — ustać i pajści». Koŭł zajaviŭ pra nieabchodnaść dyjałohu pamiž Biełaruśsiu i Litvoj na ŭzroŭni ministraŭ zamiežnych spraŭ1717
Kamientary