Miarkujecca, što Enkie skončyŭ žyćcio samahubstvam.
Hałkipier zbornaj Hiermanii i futbolnaha kłuba «Hanovier» Robiert Enkie zahinuŭ u aŭtorak viečaram.
«Heta žachlivaja navina. Ja nie viedaju, čamu i što zdaryłasia. Ale naŭrad ci heta źviazana z futbołam», – zajaviŭ prezident «Hanoviera» Marcin Kind u intervju AR.
Enkie zahinuŭ na čyhunačnym pierajeździe ŭ horadzie Nojštat-am-Riubienbierhie.
«Adbyłasia avaryja na čyhunačnym pierajeździe, zahinuŭ čałaviek», – zajaviŭ kiraŭnik pres-departamienta palicyi Hanoviera Štefan Vitie.
Pavodle jaho słovaŭ, Enkie skončyŭ žyćcio samahubstvam, kinuŭšysia pad ciahnik.
Try hady tamu ŭ siamji Enkie zdaryłasia trahiedyja – va ŭzroście dvuch hod praz pryrodžany parok serca pamierła dačka futbalista Łara. Niekalki miesiacaŭ tamu Robiert z žonkaj uziali pryjomnuju dačku Łejłu.
Robiertu Enkie było 32 hady. Jon naradziŭsia ŭ 1977 h. u horadzie Jena. Pieršym kłubam jaho byŭ «Karł Cejs». Enkie hulaŭ za moładzievuju kamandu «Karł Cejsa», kali "darosłuju" čarhovy raz treniravaŭ siońniašni trenier zbornaj Biełarusi Biernd Štanhie
Vystupaŭ u mionchienhładbachskaj «Barusii» (1995—1999), «Bienficy» (1999—2002), karjera ŭ «Barsiełonie» i «Fienierbachče» nie ŭdałasia. Za «Barsu» jon naohuł pravioŭ adzin matč.
Ad 2004 h. hulaŭ za «Hanovier-96».
U minułym hodzie jon byŭ pryznany najlepšym varatarom bundeślihi.
U składzie nacyjanalnaj zbornaj Hiermanii pravioŭ vosiem matčaŭ. U tavaryskim matčy sa zbornaj Biełarusi (Kajziersłaŭtern, 27 traŭnia 2008 h., lik - 2:2) Enkie byŭ u zapasie i na pole nie vyjšaŭ.
Apošni svoj matč za «Hanovier-96» Robiert Enkie zhulaŭ u niadzielu suprać «Hamburha» (2:2).
U pačatku 2000‑ch troje nastaŭnikaŭ historyi źbiehli va Ukrainu ad «hienacydu biełaruskaha naroda», jaki čyniŭ režym Łukašenki. Jak skłaŭsia ich los?1515
Kamientary