Da pomnika Lesi Ukraincy ŭ Maskvie prynieśli kvietki ŭ pamiać ab zahinułych ukraincach
Da pomnika Lesi Ukraincy na Ukrainskim bulvary Maskvy ŭ piatnicu prynieśli niekalki kvietkavych bukietaŭ. Fotazdymki pomnika publikujuć niekatoryja rasijskija ŚMI.
Na pastamient pomnika chtości taksama pastaviŭ šyldu z nadpisam «Umań. Dniepr» — mienavita hetyja dva ŭkrainskija harady najbolš paciarpieli ad čarhovaha rakietnaha abstrełu rasijskaj armii ŭ noč na piatnicu, piša Bi-bi-si.
Va Umani ŭ vyniku traplańnia rakiety całkam abrynuŭsia padjezd žyłoha doma. Pavodle apošnich źviestak, zahinuła nie mienš za 23 čałavieki, u tym liku čaćviora dziaciej.
U Dniapry ŭ vyniku abstrełu zahinuli žančyny i trochhadovaje dzicia.
Na praciahu piatnicy palicyi la pomnika nie było, ale da viečara palicejski pryjšoŭ, «sfatahrafavaŭ kvietki na pomniku, a zatym i tych, chto znachodziŭsia pobač».
Čytać taksama:
Rasijskaja rakieta trapiła ŭ šmatpaviarchovik va Umani. Zahinuli 23 čałavieki
Pamiatajecie Asol Śliviec? Žyćcio frystajlistki źmianiłasia da niepaznavalnaści, ciapier jana Abihal7
Kamientary