Narviehija vydzieliła 2,8 młrd narviežskich kron (235 młn jeŭra) na žyćciova važnuju humanitarnuju dapamohu dla naroda Ukrainy i 1,7 młrd narviežskich kron (143 młn jeŭra) na hramadzianskuju padtrymku ŭkrainskaha ŭrada, paviedamlaje liga.net.
Srodki pojduć na ramont i absłuhoŭvańnie cyvilnaj infrastruktury, kab zabiaśpiečyć ukraincaŭ dostupam da elektryčnaści i vady, havorycca ŭ paviedamleńni.
«My znachodzimsia ŭ ciesnym dyjałohu z uładami Ukrainy, kab dapamoha dajšła da tych, chto bolš za ŭsio ŭ joj maje patrebu. Ahresiŭnaja vajna Rasii štodnia prynosić nievierahodnyja pakuty i šyrokamaštabnyja razbureńni. Naša padtrymka dapamoža palehčyć stanovišča ŭkrainskaha naroda, jaki tak šmat pieražyŭ», — zajaviŭ premjer-ministr Narviehii Jonas Har Stere.
Narviehija abaviazałasia štohod vydzialać 15 młrd narviežskich kron (1,2 młrd jeŭra) na praciahu nastupnych piaci hadoŭ na ahulnuju sumu 75 młrd narviežskich kron (6,3 młrd jeŭra) u pieryjad z 2023 pa 2027 hod.
Jak udakładniajecca, u 2023 hodzie pałova srodkaŭ, jakija pradstaŭlajucca ŭ ramkach prahramy padtrymki Nansiena, pojdzie na vajennuju dapamohu, a inšaja pałova — na humanitarnuju i hramadzianskuju.
Łukašenka zahavaryŭ pra prarasijskaść Cichanoŭskaha, bajučysia nazvać jaho imia37
Kamientary