Uzrovień vady ŭ Kachoŭskim vadaschoviščy na Dniapry padniaŭsia da 17 mietraŭ, na 1 mietr vyšej za normu
Pra toje, što ŭzrovień vady ŭ Kachoŭskim vadaschoviščy ŭ Zaparožskaj vobłaści padniaŭsia da 17 m i amal dasiahnuŭ krytyčnaj adznaki, pišuć rasijskija ŚMI i «vajenkary».
Hetaja situacyja pradstaŭlajecca jak śviadomyja dziejańni ŭkrainskich uładaŭ, bo, maŭlaŭ, Kijeŭ admysłova adkryŭ šluzy ŭ Dniapry i ŭ Zaparožžy.
Na Kachoŭskaj HES, jakaja znachodzicca pad kantrolem rasijskich akupantaŭ, rehulavańnie ŭzroŭniu vady ŭskładnienaje tym, što niekatoryja šluzy vyviedzienyja z ładu ŭ vyniku abstrełaŭ. A inšyja patrabujuć ramontu, jaki niemahčyma pravieści.
Pad pahrozaj razbureńnia, bjuć tryvohu rasijanie, damby ŭ Kamiency-Dniaproŭskaj, mohuć być padtoplenyja prybiarežnyja pasieliščy.
Kali heta praŭda, to hetyja dziejańni mohuć być źviazanyja z padrychtoŭkaj USU da kontrnastupleńnia na hetym kirunku.
Rasijskija vajenkary narakajuć na toje, što Ukraina admysłova spuskaje vadu z Dniapra i prytokaŭ, kab zmyć rasijskija ŭmacavańni i minnyja zaharodžańni na levym bierazie Dniapra.
Ciapier čytajuć
U Rečycy ludzi vyjšli prybirać śnieh. Ich aštrafavali6
U Rečycy ludzi vyjšli prybirać śnieh. Ich aštrafavali
Topavy pierakładčyk pajechaŭ u Biełaruś mianiać pašpart — i sieŭ za danaty. «KDB pahladzieŭ na sumu i vyrašyŭ, što nichto ŭ zdarovym rozumie nie moža vydatkavać stolki ŭłasnych hrošaj»1414
Kamientary