Pa infarmacyi Biełaruskaj aŭtamabilnaj asacyjacyi, kolkaść pradadzienych u aficyjnych aŭtasałonach novych aŭto ŭ krasaviku 2023-ha akazałasia na 11% bolšaj, čym u sakaviku, i až na 86% bolšaj, čym u krasaviku 2022 hoda.
Usiaho ŭ krasaviku biełaruskija aŭtadylery pradali 1661 novy aŭtamabil (u sakaviku było 1202). Prytym kolkasnyja pakazčyki prodažaŭ bolšaści brendaŭ zastalisia ŭ tych ža miežach, što i ŭ sakaviku, a značny skačok prodažaŭ naziraŭsia tolki ŭ Geely.
Pa vynikach čatyroch miesiacaŭ 2023 hoda Geely pradała 3218 aŭtamabilaŭ. Na druhim miescy — Lada (371 mašyna), na trecim — Audi (257).
Pavodle ekśpiertaŭ, pośpiechi Geely možna rastłumačyć jak najaŭnaściu dastatkovaj kolkaści aŭtamabilaŭ u dylerskich centrach i pašyreńniem madelnaha šerahu, tak i pryvabnaj prapanovaj pa finansavańni kupli.
U BAA taksama adznačajuć, što na biełaruski rynak prychodzić usio bolš kitajskich marak (EXEED, FAW, Skywell i inš.) na źmienu jeŭrapiejskim brendam, što dazvalaje padtrymlivać prapanovu.
«Ja byŭ suprać, kab mianie mianiali na 20 rasijskich vajskoŭcaŭ. Nie zmoh by hladzieć u vočy ludziam, syny jakich siadziać»: pieršaje intervju eks-mera Chiersona
Kamientary
Nie žaleju